საერთაშორისო ზეწოლამ და ქვეყანაში არსებულმა პოლიტიკურმა კრიზიმა აიძულა ივანიშვილი „დაბრუნებულიყო“

საერთაშორისო ზეწოლამ და ქვეყანაში არსებულმა პოლიტიკურმა კრიზიმა აიძულა ივანიშვილი „დაბრუნებულიყო“ - გიორგი ვაშაძე

პოლიტიკა - 17:25, 26 Apr, 2018

12836

"ახალი საქართველოს“ ლიდერი, გიორგი ვაშაძე ამბობს, რომ "ივანიშვილი ქართული პოლიტიკიდან არასდროს წასულა. რაც შეეხება მის ფორმალურად დაბრუნების საკითხს, ოპოზიციონერი ფიქრობს, რომ ამით, "ქრაფერი შეიცვლება".
მისივე შეფასებით, "ქვეყნაში არსებულ პრობლემებზე პასუხისმგებელი ივანიშვილია".

"საერთაშორისო ზეწოლა და ქვეყანაში არსებული პოლიტიკური კრიზისი, გახდა ორი უმთავრესი ფაქტორი, რამაც აიძულა ივანიშვილი „დაბრუნებულიყო“.

ქვეყანაში ბიძინა ივანიშვილის მიერ დამკვიდრებული არაფორმალური მმართველობის მოდელი - ფლობდე ძალაუფლებას პასუხიმგებლობისა და ყველანაირი ლეგიტიმაციის გარეშე, ეწინააღმდეგება და ანგრევს ქვეყნის დემოკრატიული განვითარების საფუძვლებს. რაც ჩვენი პარტნიორი ქვეყნების, მათ შორის ამერიკის შეერთებული შტატებისთვის სრულიად მიუღებელია და სამართლიან გულისწყრომას იწვევს.

პარტიის თავმჯდომარედ ივანიშვილის დაბრუნების განაცხადი, მისი ძალაუფლებისთვის ლეგალური საფუძვლის შექმნის, უსუსური მცდელობაა. რეალურად, ივანიშვილის დაბრუნებით, ქვეყანაში არაფერი შეიცვლება, თუნდაც იმიტომ, რომ ის არასდროს წასულა და იმ პრობლემებზე, რაც დღეს ქვეყანაში თითოეულ მოქალაქეს აწუხებს, სწორედ ბიძინა ივანიშვილია პასუხისმგებელი"- აცხადებს გიორგი ვაშაძე.