ივანიშვილის ერთპიროვნული კონტროლი ,,ოცნებაზე" - "ყველას ჩამოსტიროდა ფიზიონომია... კახა კალაძეს, თალაკვაძეს..."

პოლიტიკა - 16:51, 26 Apr, 2018

2571

„ერთიანი ნაციონალური მოძრაობის“ წევრი ნიკა რურუა ბიძინა ივანიშვილის დაბრუნებას მორიგ ტყუილად და მოსახლეობის გაბითურების მორიგ მცდელობად აფასებს. რურუას თქმით, ივანიშვილი არსად არ წასულა და ეს ახალი „დაბრუნება“ ერთპიროვნული კონტროლის დასამყარებლად სჭირდება, რადგან “ თავის მარიონეტებს ჩრდილიდან ვეღარ მართავს“:

„მისი მოსვლა მორიგი ტყუილია, ის არსად წასულა, ის ჩრდილიდან გამოვიდა. ეს ვაიძულეთ ჩვენ და ჩვენმა დასავლელმა მეგობრებმა. იგი შეშინებულია, ამას ცხადყოფს ოცნების სხვადასხვა ლიდერების გამომეტყველებები, დღეს ვნახეთ ყველას ჩამოსტიროდა ფიზიონომია, იქნებოდა ეს კახა კალაძე, თალაკვაძე და სხვები, როგორც ჩანს ივანიშვილმა გადაწყვიტა რომ ჩრდილიდან ვეღარ მართავს თავის მარიონეტებს და გადაწყვიტა ოცნების ბანაკში ერთპიროვნული კონტროლი დაამყაროს. როგორც ვიცით სხვადასხვა ჯგუფები გავლენების და ძალაუფლების მოპოვების გამო ერთმანეთს დაუპირისპირდნენ, ხანდახან ლამის ფიზიკურადაც . ივანიშვილმა დაინახა რომ 6 წლის თავზე თავისი „ოცნება“ ხუხულასავით დაინგრა და ამ ახალი „მოსვლით“ უნდა რომ ხალხი კიდევ ერთხელ გააბითუროს. ის არის პროფესიონალი მატყუარა და მისი ყველა დანაპირები იყო ერთი სპეცოპერაციის ნაწილი, რომელსაც ერქვა „საქართველოს მოსახლეობის გასულელება“- განაცხადა ნიკა რურუამ.