“ქრისტიან-დემოკრატიული მოძრაობის” საგარეო ურთიერთობათა მდივანი ნინო ბურჯანაძის განცხადებას პასუხობს

პოლიტიკა - 16:32, 26 Apr, 2018

1529

“ქრისტიან-დემოკრატიული მოძრაობის” საგარეო ურთიერთობათა მდივანი - ლევან ჩხეიძე ნინო ბურჯანაძის განცხადებას პასუხობს.

როგორც ჩხეიძე აღნიშნავს, ბურჯანაძის მიერ გაკეთებული განცხადება უსაფუძვლო და უპასუხისმგებლოა.

"მინდა გამოვეხმაურო ქალბატონი ნინო ბურჯანაძის აბსოლიტურად უსაფუძვლო და უპასუხისმგებლო განცხადებას ქრისტიან-დემოკრატიულ მოძრაობასთან დაკავშირებით. ქალბატონი ნინო აცხადებს რომ თითქოს ბიძინა ივანიშვილის დაკვეთით მოხდა მისთვის საპრეზიდენტო არჩევნებამდე რამდენიმე თვით ადრე პარტიის და დაფინანსების წართვმევა.

პირველ რიგში რა კავშირი ქონდა ან აქვს ქალბატონ ბურჯანაძეს ქრისტიან-დემოკრატიულ მოძრაობასთან და როგორ გახდა ,,დემოკრატიული მოძრაობა ერთიანი საქართველოსთვის" თავმჯდმარე ქალბატონი ბურჯანაძე ,,ქრისტიან-დემოკრატიული მოძრაობის" თავმჯდომარე? ამ საკითზე იმსჯელა სასამართლომ, გამოიკვლია ფაქტები და თავად ბურჯანაძის მიერ წარმოდგენილი დოკუმენტაციით დაადგინა რომ ე.წ. ქრისტიან-დემოკრატიული მოძროაბის ,,ყრილობას", რომელმაც ქალბატონი ბურჯანაძე აირჩია ამ პარტიის თავმჯდომარედ ესწრებოდა მხოლოდ 19 ქრისტიან-დემოკრატი. დანარჩენები იყვნენ ბურჯანაძის პარტიის ,,დემოკრატიული მოძრაობა ერთიანი საქართველოს" წევრები.

აღნიშნული ფაქტი დეტალურად გამოიკვლიეს ასევე სააპელაციო და უზენასემა სასამართლოებმა. რის შედეგადაც ე.წ.ყრილობის" ოქმი რომლითაც ქალბატონი ბურჯანაძის არჩევა მოხდა ,,ქრისტიან-დემოკრატიული მოძრაობის" თავმჯდომარედ, ბათილად იქნა ცნობილი! საგულისხმოა რომ როცა ქალბატონი ბურჯანაძე საუბრობს დაფინანსებაზე, მან ამ გზით მიითვისა ქრისტიან დემოკრატიული მოძრაობის დაფინანსება და ამ დაფინანსებით ისაგებლა 2014 წლის თვითმმართველობისა და 2016 წლის საპარლამენტო არჩევნებში. აი ეს იყო მისი მხრიდან ქრისტიან დემოკრატიული მოძრაობის არაკეთლისინდისიერი და არამართლზომიერი დატაცების მიზეზი. 2016, წელს, საპარლამენტო არჩევნების ამოწურვის შემდეგ სასამართლომ დაამთავრა 3 წლიანი განხილვა მოცემული დავისა და ქალბატონ ბურჯანაძეს ჩამოართვა არაკანონიერად მითვისებული პარტია და დაუბრუნა იგი ქრისტიან დემოკრატებს. რაც შეეხება მისი მხრიდან ამ საკითხის 4 წლის მერე წამოწევას, შეგახსნებთ რომ ეს განცხადება სინქრონშია პარლამეზნტის თავმჯდომარის, ბატონი კობახიძის ინფანტილურ გამოხტომებთან ,,ქრისტიან-დემოკრატიულ მოძრაობასთან" მიმართებაში. ბატონი კობახიძე გახლავთ ვაჟი ნინო ბურჯანაძის ყოფილი თანაპარტიელის გიორგი კობახიძისა. შესაბამისად ამ ორი ფიგურის თავდასხმა ქრისტიან-დემოკრატიულ მოძრაობაზე საეჭვოდ ემთხვევა დროში, რაც იმაზე მეტყველებს რომ ,,ქრისტიან-დემოკრატიული მოძრაობის" დაბრუნება პოლიტიკურ ავანსცენაზე ბევრისთვის არასახარბიელო აქტია. სამწუხაროდ მათ ვერაფრით დავეხმარებით, ვინაიდან მოუწევთ ამ ფაქტთან შეგუება!" - განაცხადა ლევან ჩხეიძემ.