ბიძინა ივანიშვილი პოლიტიკაში ბრუნდება, საქართველოს პრემიერ-მინისტრის განცხადებით ივანიშვილს პარტიის ტავმჯდომარედ აირჩევენ. აღნიშნულს საპარლამენტო უმრავლესობის წევრი გედევან ფოფხაძე აფასებს და აცხადებს, რომ ეს გადაწყვეტილება არის სწორი:

„ეს გადაწყვეტილება არის სწორი. მე მივესალმები ამ გადაწყვეტილებას. მგონია, რომ ეს ის ნაბიჯია, რომელიც გააერთიანებს ჩვენს პოლიტიკურ გუნდს და მისცემს საშუალებას, რომ იმ გამოწვევებს, რაც არის ჩვენ წინაშე, ღირსეულად გავცეთ პასუხი. ნამდვილად მიმაჩნდა და აქამდეც ვამბობდი, რომ ბიძინა ივანიშვილის დაბრუნება პოლიტიკურ სივრცეში გვაძლევს იმ დამატებით რესურსს, რაც მას, როგორც პოლიტიკოსს, გააჩნია, ამიტომ მე მგონია, რომ ეს არის ის სწორი გადაწყვეტილება, რომელიც უნდა გაკეთებულიყო“, - განაცხადა გედევან ფოფხაძემ.