ივანიშვილი "ქართული ოცნების" თავმჯდომარე ხდება - "დადგა აუცილებლობა გავაძლიეროთ პარტია"

ივანიშვილი "ქართული ოცნების" თავმჯდომარე ხდება - "დადგა აუცილებლობა გავაძლიეროთ პარტია" - რას შეცვლის ბიძინა ივანიშვილი

პოლიტიკა - 13:05, 26 Apr, 2018

2928

ბიძინა ივანიშვილი პოლიტიკაში ბრუნდება - ამის შესახებ საქართველოს პრემიერ-მინისტრმა გიორგი კვირიკაშვილმა დღეს გამართულ საგანგებო ბრიფინგზე განაცხადა. რამდენიმე დღეში გაიმართება პარტიის პოლიტსაბჭოს სხდომა, რომლის ფარგლებშიც ბიძნა ივანიშვილს პარტიის თავმჯდომარედ აირჩევენ, ასევე გაიმართება პარტიის ყრილობაც:

„მინდა საზოგადოებას ვამცნო ის მნიშვნელოვანი სიახლე, რომელიც იგეგემება ჩვენს გუნდში, პარტია „ქართულ ოცნებაში“, ჩვენ კარგად გვესმის, რომ სრულიად ბუნებრივი და ლეგიტიმურია საზოაგდოების ინტერესი, მმართველ პარტიაში მიმდინარე პროცესების მიმართ და ხალხს სჭირედება სიცხადე. ჩვენ, როგორც ხელისუფლებაში მყოფი მმართველი ძალა ვგრძნობთ განსაკუთრებულ პასუხისმგებლობას ქვეყნისა და ხლახის წინაშე და მივიჩნევთ, რომ ჩვენი სახელმწიფოს განვითარებისა და ახალი გამოწვევების ფონზე დადგა აუცილებლობა მაქსიმალურად გავაძლიეროთ პარტია „ქართული ოცნება" - დემოკრატიული საქართველო“ და სიმტკიცე შევძინოთ ჩვენს გუნდს.

ჩვენთვის ძალიან მნიშვნელოვანია პარტიის შიგნით მიმდინარე დემოკრატიული პროცესები, ამავე დროს ჩვენ გვაერთიანებს მკვეთრად გამოხატული ღირებულებები და ერთიანი პოლიტიკური ხედვა, როგორც საშიანო ისე საგარეო მიმართულებით. ამიტომ, მნიშვნელოვანია, რომ ჩვენ, როგორც მმართველმა პოლიტიკურმა ძალამ შევიონარჩუნოთ ერთსულოვნება ფუნდამენტურ სახელმწიფოებრივ საკითხებთან დაკავშირებით.

მოგეხსენებათ, რომ ბატონმა ბიძინა ივანიშვილმა ჩვენი ქვეყნის უახლესი ისტორიის ერთ-ერთ ურთულეს დროს ჩამოაყალიბა პარტია „ქართული ოცნება - დემოკრატიული საქართველო“, რომელმაც გარდამტეხი როლი შეასრულა სახელმწიფოს დემოკრატიულ განვითარებაში.

ყველასთვის ნათელია თუ რამდენად დიდია ჩვენი გუნდისთვის, მისი დამაარსებლის ბატონი ბიძინა ივანიშვილის ფაქტორი. მინდა გითხრათ, რომ პირადად ჩემი და მთელი გუნდის სახელით მე შევთავაზე და ვთხოვე ჩვენი გუნდის დამფუძნებელს, რომ სათავეში ჩაუდგეს პარტიას და მოხარული ვარ, რომ ბატონმა ბიძინა ივანიშვილმა თანხმობა განაცხადა. მას ყველაზე მეტად ძალუძს გააძლიეროს მთავარი პოლიტიკური ბირთვი, პარტიის თავმჯდომარის რანგში, შესძინოს მეტი და ახალი დინამიკა შემდგომი განვითარებისთვის, მეტი ეფექტურობისთვის და პროგრესისთვის, როგორც აღმასრულებელ, ასევე საკანონმდებლო ხელისუფლებას და თვითმმართველ ორგანოებს. უახლოეს დღეებში გაიმართება პარტიის პოლიტსაბჭოს სხდომა და შემდეგ გაიმართება ყრილობა და დარწმუნებულები ვართ, რომ როგორც პოლიტსაბჭო, ასევე მთელი საქრთველოდან წარმოდგენილი დელეგატები ერთხმად აირჩევენ ბიძინა ივანიშვილს ახალ თავმჯდომარედ. შესაბამისად არჩეული იქნება პოლიტიკური საბჭოს განახლებული შემადგენლობაც“, - აგანაცხადა გიორგი კვირიკაშილმა.