„გამოვაქვეყნებ კლუბის სახელწოდებას... სადაც არასრულწლოვნების გარყვნა ხდება... სადაც კლუბურ ნარკოტიკებს სთავაზობენ“

„გამოვაქვეყნებ კლუბის სახელწოდებას... სადაც არასრულწლოვნების გარყვნა ხდება... სადაც კლუბურ ნარკოტიკებს სთავაზობენ“ - მამა პეტრე

სოც.მედია - 19:57, 25 Apr, 2018

12979

მამა პეტრე კოლხი ფეისბუქის გვერდზე პოსტს აქვეყნებს და იმ ღამის კლუბების მიმართ რეაგირებას ითხოვს, რომლებიც სასულიერო პირის თქმით, არასრულწლოვნებს კლუბურ ნარკოტიკებს სთავაზობენ.

„SOS!..

ე.წ. ღამის კლუბების გასაგონად... ამ ეტაპზე კონკრეტული დასახელებისაგან თავს შევიკავებ... თუ ამ გაფრთხილებას რეაგირება არ მოყვება, აუცილებლად გამოვაქვეყნებ კლუბის სახელწოდებას და მეპატრონესაც, რომლებიც არასრულწლოვნებს, ყოველგვარი ,,ფეისკონტროლის" გარეშე უშვებენ და კლუბურ ნარკოტიკებს სთავაზობენ...

17 მაისის აქცია მოენატრებათ, ისეთი ფაქტის წინაშე დავაყენებ!..“ - წერს მამა პეტრე და მედიასთან კონკრეტულ დეტალებზე საუბრობს.

„ერთ-ერთი პრესტიჟული კლუბიდან დამირეკეს და მითხრეს, შენი შვილის მეგობრები კლუბში არაფხიზელ მდგომარეობაში ერთობიან და ისეთ მდგომარეობაში არიან, გვეშინია ეს გართობა ფატალურად არ დასრულდესო. მოვედი სახლში და ბავშვებს ვკითხე, მათი ის მეგობრები იღებდნენ თუ არა ნარკოტიკულ საშუალებებს, მათ მომატყუეს, შეეშინდათ... როცა ამას მივხვდი, მკაცრად დაველაპარაკე შვილებს და აღმოჩნდა, რომ თბილისში არის კლუბები, სადაც ნარკოტიკულ საშუალებებს თავისუფლად ყიდიან და არასრულწლოვან ბავშვებს უშვებენ კლუბში. ამაზე მქონდა ასეთი მძაფრი რეაქცია, ჯერჯერობით გაფრთხილებას ვაძლევ იმ კლუბის ხელმძღვანელობას და ამ პრობლემის გადაჭრა დროულად თუ არ მოხდება, პირობას ვდებ, მრევლთან ერთად აქციებს გავმართავ ამ კლუბთან. არასრულწლოვნების გარყვნა ხდება ამ კლუბში და ეს არ უნდა დავუშვათ“ - განუცხადა მამა პეტრემ ჟურნალ რეიტინგს.