რუსული აგრესია, რეგიონის მტავარი გამოწვევები, სომხეთსა და აზერბაიჯანში მიმდინარე პროცესები და შავი ზღვის უსაფრთხოება - აღნიშნულ საკითხზებზე მსჯელობით დაიხურა როუზ როსის სემინარი ბათუმში. სემინარის დასრულების შემდეგ მისი მიმდინარეობა მთავარმა სტუმარმა, ნატო-ს საპარლამენტო ასამბლეის პრეზიდენტმა შეაფასა.

„ეს ძალიან მნიშვნელოვანი იყო ჩვენთვის, რადგან ჩვენ უკეთ გავეცანით სამხრეთ კავკასიის რეგიონში არსებულ ვითარებას. ჩვენ ვისაუბრეთ არა მხოლოდ საქართველოზე, არამედ სომხეთსა და აზერბაიჯანზეც. დღეს ასევე ვისაუბრეთ ცენტრალურ აზიაზე, ეს იყო ფართომასშტაბიანი დისკუსია. ჩვენ გვესმის, რომ საქართველოს გადამწყვეტი როლი აქვს ამ რეგიონში და ასევე მთელი დასავლეთის სტაბილურობისა და უსაფრთხოების უზრუნველყოფაში. ჩვენ ასევე კიდევ ერთხელ დავადასტურეთ, რომ მხარს ვუჭერთ საქართველოს ინტეგრაციას ევროატლანტიკურ სტრუქტურებში“, - განაცხადა პაოლო ალიმ.