"ცოტა არეული ვარ... მე და ლევანმა არ ვიცით, გოგო როგორ უნდა დავგეგმოთ"

"ცოტა არეული ვარ... მე და ლევანმა არ ვიცით, გოგო როგორ უნდა დავგეგმოთ" - მარიამ კუბლაშვილი პირადზე ალაპარაკდა

სოც.მედია - 12:12, 25 Apr, 2018

19241

ადვოკატ მარიამ კუბლაშვილს, რომელიც ერთი პერიოდი შოუბიზნესის პოპულარული სახე გახდა მას შემდეგ, რაც პროექტში “ცეკვავენ ვარსკვლავები” გაიმარჯვა, ცხოვრების წესი მნიშვნელოვნად შეეცვალა. ორი წლის წინ მეორედ გათხოვდა, მსახიობ ლევან ხურციას გაჰყვა ცოლად და მეორე ბიჭი გააჩინა. შემდეგ თავის მთავარ პროფესიაშიც გააქტიურდა და გლამურული ცხოვრება წარსულში დარჩა. ადვოკატურა, ორი შვილი, ქმარი, ოჯახი… ეს ყველაფერი დროს ითხოვს. მარიამი პირადზე „სარკეს“ ესაუბრა:

„32 წლის ვარ, აღარ ვარ პატარა გოგო. ჩემთვის პრიორიტეტი ოჯახია, მაგრამ ამ მხრივ ცოტა არეული ვარ, საქმეს უფრო მეტ დროს ვუთმობ, ვიდრე ოჯახს. ეს ცუდი მენეჯმენტისა და გარკვეული გაუნათლებლობის ბრალია. სიამოვნებით ვისწავლიდი, როცა ამდენი საქმე მაქვს, ოჯახის მოვლა-პატრონობა როგორ ვაქციო ნომერ პირველად.

... ლევანი უფრო ახერხებს, შვილებს მიხედოს. ჩემი უფროსი ბიჭი გარდატეხის ასაკშია, 13 წლისაა, ყოველდღე სჭირდება კონტროლი და ამას ლევანი უფრო ახერხებს. ყოველდღე ამოწმებს მის საკლასო ჟურნალს, აკონტროლებს მის გაკვეთილებს.

პატარას ნაკლებ ყურადღებას აქცევს, რადგან მეტად მნიშვნელოვანი ჩემი უფროსი ბიჭის მდგომარეობაა. ლევანს მთელი ყურადღება მასზე აქვს გადატანილი, მე – პირიქით, ალექსანდრეს უფრო მეტ დროს ვუთმობ“- აცხადებს კუბლაშვილი და იქვე დასძენს, რომ მის უფროსს ვაჟს ბიოლოგიურ მამასთან არანაირი კონტაქტი არ აქვს.

რაც შეეხება ოჯახში მატებას, ადვოკატი გამოცემასთან აცხადებს, რომ გოგოს გაჩენის სურვილი აქვს.

„გოგო გვინდა, ოღონდ არ ვიცით, ეს როგორ უნდა დავგეგმოთ“- აცხადებს მარიამი.

ინტერვიუ სრულად წაიკითხეთ "სარკეში"