აფხაზეთის პრობლემატიკაზე მრგვალი მაგიდა მიმდინარეობს

პოლიტიკა - 12:03, 25 Apr, 2018

917

დღეს გაერთიანებული პროფკავშირების საკონფერენციო დარბაზში აფხაზეთის ავტონომიური რესპუბლიკის უმაღლესი საბჭოს ფრაქციები და კომისიები აწყობენ მრგვალ მაგიდას თემაზე: „რუსეთის მიერ ოკუპირებულ აფხაზეთის ტერიტორიაზე ადამიანის უფლებების დარღვევის შესახებ“; განხილული იქნება აგრეთვე მიმდინარე სხვა აქტუალური და რეზონანსული საკითხები, მათ შორის, საქართველოს მთავრობის მიერ შერიგებისა და ჩართულობის პოლიტიკის ჩარჩოებში განსახორციელებელი ახალი ინიციატივა - „ნაბიჯი უკეთესი მომავლისაკენ“.

„მრგვალი მაგიდის“ ორგანიზატორები:

ა.ფრაქციები:

1. „ქართული ოცნება-დემოკრატიული საქართველო“,

2.„მრგვალი მაგიდა-დიალოგი ერთიანი საქართველოსთვის“;

ბ. კომისიები:

1.„დეოკუპაციის, საერთაშორისო ურთიერთობების, განათლებისა და კულტურის საკითხთა“,

2.საკონსტიტუციო და ადამიანის უფლებების დაცვის საკითხთა“.

დისკუსიაში მონაწილეობისათვის მოწვეული არიან აფხაზეთის პრობლემატიკაზე მომუშავე ცენტრალური ხელისუფლების სამინისტროების, საპარლამენტო კომიტეტების და დროებითი კომისიის წარმომადგენლები, აფხაზეთის ავტონომიური რესპუბლიკის მთავრობის წევრები, უმაღლესი საბჭოს დეპუტატები, ისტორიკოსები, იურისტები, საზოგადოებრივი და არასამთავრობო ორგანიზაციების წარმომადგენლები, დამოუკიდებელი ექსპერტები, პოლიტოლოგები.

მრგვალი მაგიდის წინადადებები და რეკომენდაციები წარედგინება საქართველოს ცენტრალურ და აფხაზეთის ავტონომიური რესპუბლიკის სახელისუფლებო ორგანოებს.