„ყველაფერს გავაკეთებ, რომ ჩემს ოჯახს, მთელ საზოგადოებას ამ მოსამართლეების პირიდან მოვასმენინო, ვინ დაავალა ამ სიბინძურეების კეთება“

„ყველაფერს გავაკეთებ, რომ ჩემს ოჯახს, მთელ საზოგადოებას ამ მოსამართლეების პირიდან მოვასმენინო, ვინ დაავალა ამ სიბინძურეების კეთება“ - ბაჩო ახალაია

პოლიტიკა - 17:06, 23 Apr, 2018

2573

პოლკოვნიკ სერგო თეთრაძის წამების საქმეზე თავდაცვის ყოფილი მინისტრი ბაჩო ახალაია სასამართლომ 9 წლით თავისუფლების აღკვეთა შეეფარდა. სასამართლოს ამ გადაწყვეტილებას ეხმაურება ბაჩო ახალაია.

„ერთია, როცა დანაშაულს დაგაბრალებენ, მეორეა, როცა ამ სახით აშკარა შეურაცხყოფას გაყენებენ. ეს განაჩენი, ეს სასამართლო, მთლიანად ეს ხელისუფლება დაკავებულია ჩემთვის ისეთი შეურაცხყოფის მოყენებით, რომელმაც სამუდამოდ უნდათ გამანადგუროს მორალურად; მაგრამ ამ შეურაცხყოფაზე ჩემი ერთადერთი პასუხი იქნება ის, რომ რამდენი წელიც არ უნდა დაჭირდეს ყველაფერს გავაკეთებ იმისთვის, რომ ჩემს შვილებს, ჩემს ოჯახს, მთელ ქართულ საზოგადოებას სწორედ ამ მოსამართლეების პირიდან მოვასმენინო სრული სიმართლე. ისინი უნდა წარსდგნენ ხალხის წინაშე და დეტალურად მოყვნენ ვინ დაავალა ასეთი სიბინძურეების კეთება და რატომ ასრულებენ ასეთ ბინძურ დავალებებს.“ - ნათქვამია ახალაიას განცხადებაში, რომელიც მისსავე ფეისბუქგვერდზეა გავრცელებული.