ბათუმში ნატოს საპარლამენტო ასამბლეის "როუზ-როსის" 97-ე სემინარი მიმდინარეობს. შეხვედრის მონაწილეებს, სიტყვით უკვე მიმართა ნატოს საპარლამენტო ასამბლეის პრეზიდენტმა. სემინარის მონაწილეებს სიტყვით საქართველოს თავდაცვის მინისტრმა ლევან იზორიამაც მიმართა, რომელმაც ნატოს მიერ განსაზღვრული ამოცანების მიღწევებზე ისაუბრა:

„პირველ რიგში ჩვენ ერთობლივი მუშაობით მივაღწიეთ იმას, რომ გვაქვს ძალიან მნიშვნელოვანი ინიციატივები საუბარია, ნატო-საქართველოს შეფასებისა და წვრთნების ერთობლივ ცენტრზე, რომელიც თავის პრაქტიკულ ამოცანებს წარმატებით ასრულებს. რა თქმა უნდა, ჩვენ ვრჩებით ნატოსთან თავსებადობის გაძლიერების კუთხით, ერთგული იმ ვალდებულებებისა, რომელსაც ჰქვია ჩვენი კონტრიბუცია მსოფლიოში მშვიდობისა და უსაფრთხოების უზარმაზარ საქმეში.

მოგეხსენებათ, რომ საქართველო არის ერთ-ერთი მოწინავე ამ მიმართულებით, რასაც ჰქვია სამშვიდობო მისიებში საქართველოს მონაწილეობა და ჩვენ ამ ვალდებულებას მომავალშიც ერთგულად გავაგრძელებთ“- განაცხადა ლევან იზორიამ.