ერთპარტიული საკონსტიტუციო ცვლილებები - როგორ აფასებს აშშ-ის სახელმწიფო დეპარტამენტი ,,ქართული ოცნების“ გადაწყვეტილებას

პოლიტიკა - 12:58, 21 Apr, 2018

1189

აშშ-ის სახელმწიფო დეპარტამენტის ანგარიშში დიიდ ადგილი ეთმობა სააქართველოში განხორციელებულ საკონსტიტუციო რეფორმას. ანგარიშში აღნიშნულია, რომ 2016 წლის საპარლამენტო არჩევნების შემდეგ მმართველმა პარტიამ "ქართულმა ოცნებამ" დაიწყო საკონსტიტუციო ცვლილებები, თუმცა ისინი კონსენსუსის გარეშე, მხოლოდ ერთპარტიული მხარდაჭერით იქნა მიღებული.

"სექტემბერში, მიუხედავად ადგილობრივი არასამთავრობო ორგანიზაციებბისა და საერთაშორისო საზოგადოების მიერ გაკეთებული აქცენტისა, რომ მნიშვნელოვანია ფართო კონსენსუსის მიღწევა, პარლამენტმა საკონსტიტუციო ცვლილებები მხოლოდ მმართველი პარტიის მხარდაჭერით მიიღო. განსაკუთრებით სადავო იყო შესწორებები, რომელიც შეეხებოდა პარლამენტის საარჩევნო სისტემის ცვლილების გადადებასა და პრეზიდენტის პირდაპირი არჩევის გაუქმებას. "ვენეციის კომისიამ ცვლილებები შეაფასა როგორც დადებითი ნაბიჯი ქვეყნის პოლიტიკური სისტემის საპარლამენტო მმართველობის სისტემაზე გარდაქმნის მიმართულებით, თუმცა სინანული გამოთქვა, რომ მმართვველმა პარეტიამ ვერ მიაღწია კონსენსუსს საფუძვლიანი მოლაპარაკებების გზით. არასამთავრობო ორგანიზაციებმა და საერთაშორისო ორგანიზაციებმა გამოთქვეს შეშფოთება, რომ წარმოდგენილი პაკეტი ხელს შეუწყობს ძალაუფლების კონცენტრირებას მმართველი პარტიის ხელში და ერთპარტიული ქვეყნის შექმნას. NGO-ებმა და სახალხო დამცველის აპარატმა გააკრიტიკეს ცვლილებების შემუშავებისა და მიღების პროცესი, როგორც ძალიან ნაჩქარევი, ქვეყნის პოლიტიკური სისტემის ასეთი ასეთ ფუნდამენალური ცვლილებებისათვის. მათ ასვე გააკრიტიკეს მმართველი პარტიის უუნარობა პროცესში ოპოზიციური პარტიებისა და სამოქალაქო საზოგადოების წვლილის ჩართვის მიმართულებით," - აღნიშნულია ანგარიშში.