საპარლამენტო უმრავლესობის წევრი გია ვოლსკი დავით ჭიჭინაძის მიერ გაკეთებულ განცხადებას ეხმაურება. როგორც ჭიჭინაძემ გუშინ აღნიშნა გია ვოლსკი „მაუგლის“ პერსონაჟ მგელს „აკილას“ ჰგავს. ვოლსკის განცხადებით თანაგუნდელისგან ეს შედარება არ სწყენია, მაგრამ მიიჩნევს, რომ თანაგუნდელებზე ღია ეთერში საუბარი სწორი არ არის:

„არაფერი საწყენი ამაში არ არის, უბრალოდ ერთ დერეფანში დავდივართ, ერთად ვართ, ვხედავთ ერთმანეთს და მე ვფიქრობ, რომ ღია ეთერით ერთმანეთთან საუბარი არ უნდა იყოს. არც ჩემსა და დავითს შორის და არც სხვებს შორის, ეს არის მთელი ამოცანა და იდეა, იმ შეხვედრის, რაც უნდა შედგეს უახლოეს პერიოდში. მე ვფიქრობ, ერთმანეთის მიმართ გამონათქვამებს უნდა დავუკვირდეთ და მეტი სითბო უნდა გამოვხატოთ“- განაცხადა გია ვოლსკიმ.