ხორავას ქუჩაზე მომხდარი მკვლელობა და ვანო მერაბიშვილის საკნიდან გაყვანა პროკურატურის ყოფილ მაღალჩინოსან მირზა სუბელიანის სახელთან იკვეთება. „სამართალდამცველთა რეფორმირების ცენტრის“ ხელმძღვანელმა ზვიად კუპრავამ რამდენიმე დღის წინ გააჟღერა ინფორმაცია, რომ ხორავას ქუჩაზე მომხდარ მკვლელობაში მონაწილე არასრულწლოვანის მამა, პროკურატურის ყოფილი მაღალჩინოსანი მირზა სუბელიანი, საგამოძიებო უწყებას, ვანო მერაბიშვილის ციხიდან საკნიდან კადრებით აშანტაჟებს და ამით დანაშაულში მონაწილეების დაფარვას უწყობს ხელს. საქმეში ჩართულია მირზა სუბელიანის სიმამრი, ყოფილი პარლამენტარი ბორის კაკუბავაც. სწორედ კაკუბავა დაუკავშირდა ზვიად კუპრავას და მას ამ თემაზე საუბრის გამო „ადგილის მიჩენას და დასჯას“ დაპირდა.

დღეს ზვიად კუპარავა პროკურატურაში დაიკითხვაზეა დაბარებული. საქმე ეხება სწორედ ამ ვიდეოკადრებს, პროკურატურაში კუპარავა მას შემდეგ დაიბარეს, რაც მან მედიით გააკეთა განცხადება, რომ მერაბიშვილის გაყვანის კადრები, პროკურაუტურის ყოფილ მაღალჩნოსანთან ინახება და ის ამ კადრებით სამართალდამცველებს აშანტაჟებს.