„ეს ის ოპოზიციაა, რომელმაც სათანადოდ „შეაფასა“ და ქვეყანის 20% არის ოკუპირებული“

„ეს ის ოპოზიციაა, რომელმაც სათანადოდ „შეაფასა“ და ქვეყანის 20% არის ოკუპირებული“ - ვოლსკი ოპოზიციას პასუხობს

პოლიტიკა - 12:57, 18 Apr, 2018

918

პარლამენტში, პლენარულ სხდომაზე დღეს სუს-ის ანგარიშის მოსმენა იგეგმება, დეპუტატებს ანგარიშს სახელმწიფო უსაფრთხოების სამსახურის ხელმძღვანელი ვახტანგ გომელაური გააცნობს. საპარლამენტო უმრავლესობის წევრის, გია ვოლსკის თქმით, სუს-ს აქვს რესურსი, რომ შესაბამისი ინფორმაცია მიიღოს და სწორი ანალიზი და პროგნოზი გააკეთოს.

„ინფორმაციის მიღების, გადამუშავების, სწორი ანალიზის და პროგნოზების გაკეთების რესურსი ჩვენს უსაფრთხოების სამსახურს ნამდვილად გააჩნია და ვფიქრობ, რომ ბევრი სიკეთე, რასაც სტაბილურობის შენარჩუნება ჰქვია, სწორედ აქედან მოდის.“- განაცხადა ვოლსკიმ.

გია ვოლსკი არ იღებს ოპოზიციის მხრიდან წამოსულ კრიტიკას იმასთან დაკავშირებით , რომ სუს-ის ანგარიშში საფრთხეები სწორად არის დანახული, თუმცა მასზე რეაგირება არასაკმარისია.

„ეს ის ოპოზიციაა, რომელმაც სათანადოდ „შეაფასა“ და მივიღეთ, რომ ქვეყანის 20% არის ოკუპირებული. ეს ოპოზიციაა, რომელმაც ამის წინაპირობები არათუ ვერ დაინახა, არამედ, საერთაშორისო თანამეგობრობის ანალიზს და სტრატეგიულ გზას არ დაუჯერა,“- აღნიშნა გია ვოლსკიმ.