დმანისის გადარჩენის ფონდი უახლოეს მომავალში პროკურატურას მიმართავს

დმანისის გადარჩენის ფონდი უახლოეს მომავალში პროკურატურას მიმართავს - სამთომოპოვებისას დარღვევები გამოვლინდა

პოლიტიკა - 11:57, 17 Apr, 2018

1061

ქვემო ქართლის რეგიონში სამთომოპოვებისას გამოვლენილი დარღვევები, დმანისის გადარჩენის ფონდის საქმიანობის ანგარიში და სამომავლო გეგმები - დღეს საჯარო ბიბლიოთეკაში, კონფერენცია გაიმართა.

შეხცედრაზე, დმანისის გადარჩენის ფონდის წარმომადგენლებმა, რამდენიმე მნიშვნელოვან საკითხზე ისაუბრეს. ღონისძიებაზე, რომელსაც პოლიტიკური პარტიებისა და არასამთავრობო ორგანიზაციის წარმომადგენლები, ასევე დაინტერესებული პირები დაესწრნენ, განიხილეს ფონდის საქმიანობასთან დაკავშირებული საკითხები. ისაუბრეს RMG GOLD-ის უკანონო ქმედებებზე და ამ მიმართულებით ფონდის მიერ დაგეგმილ ღონისძიებებზე.

როგორც დმანისის გადარჩენის ფონდის წარმომადგენლებმა, დღევანდელ კონფერენციაზე განაცხადეს, მათ აქვთ კონკრეტული მასალები და მტკიცებულებები, რომელიც შეიცავს სისხლის სამართლებრივ ნიშნებს. ფონდის დამფუძნებლების თქმით, შესაბამისი რეაგირებისთვის, ისინი უახლოეს მმავალში საქართველოს პროკურატურას მიმართავენ.

ფონდის წარმომადგენლებმა, დღესვე განცხადება გააკეთეს, სადაც ისინი, ეკონომიკისა და მდგრადი განვითარების მინისტრთან, დიმიტრი ქუმსიშვილთან ითხოვენ შეხვედრას. მათი თქმით, არსებობს დასაბუთებული ვარაუდი, რომ უშუალოდ დიმიტრი ქუმსიშვილის მონაწილეობით, აუქციონის გამოცხადებიდან ორ დღეში, სრულიად უკანონოდ, პირთან მოლაპარაკების გზით RMG კუპერს, ქვემო ქართლის რეგიონში, კერძოდ თეთრიწყაროში, გადაეცა დამატებით ტერიტორიები. საუბარია 100 000 კვადრატულ მეტრ ფართობზე. ფონდის წარმომადგენლების განმარტებით, დიმიტრი ქუმსიშვილის დავალებით საამზომველი ჯგუფს, რომელმაც აღნიშნული მონაკვეთი გაზომა, მოეთხოვა თვალი დაეხუჭა იმ უკანონო ქმედებებზე, რომელიც ამ ტერიტორიაზე ხდებოდა.

დმანისის გადარჩენის ფონდის წარმომადგენების განცხადებით, RMG GOLD-ის 97%-იანი წილის მფლობელი კომპანია, Reach Metal Group, რეგისტრირებულია ჰოლანდიაში. მატივე თქმით, ფონდის წევრებს აქვთ აქტიური კომუნიკაცია ჰოლანდიის სამართალდამცავ ორგანოებთან და უახლოეს მომავალში აპირებენ, საჭირო დოკუმენტაცია წარუდგინონ უცხოურ მხარეს.