"ნებისმიერი თავმოყვარე პრეზიდენტი გადადგებოდა" - ვანო ზარდიაშვილი ბარნოვის მკვლელობაზე

პოლიტიკა - 18:02, 16 Apr, 2018

1255

საპარლამენტო უმრავლესობის წევრის ვანო ზარდიაშვილის განცხადებით, პრეზიდენტ გიორგი მარგველაშვილის ქმედება ამორალურია, როცა საზოგადოებამ ირაკლი ქორიძე გარეთ იხილა, ხოლო ვეფხია ბაქრაძე – შეწყალებული.

„შეწყალებასთან დაკავშირებით პრეზიდენტის მხრიდან უპასუხისმგებლობის გამოხატულება ვიხილეთ. როდესაც პრეზიდენტს ქორიძის შეწყალებაზე მივმართეთ, მან თემა საერთოდ დააიგნორა მაშინ, როცა ქვეყანაში 300 აბი სუბოტექსის შემომტანი შეიწყალა. მოგვიანებით ვიხილეთ, რომ ამ ადამიანმა 1000 აბი სუბოტექსი შემოიტანა. შემდეგ ძალადობრივ დანაშაულზე შეწყალებული პირი ვიხილეთ. სასჯელაღსრულების დეპარტამენტმა მარგველაშვილს შეწყალებაზე ექვსჯერ უარი უთხრა, როცა მეორე შემთხვევაში, მართლმსაჯულების სამივე ინსტანციამ სასჯელი უცვლელად დატოვა, პრეზიდენტმა მას სასჯელი გაუნახევრა. რა საზარელი ტრაგედია მოხდა, ვიხილეთ. ცივილიზებულ დემოკრატიულ ქვეყანაში მსგავსი შეცდომის შემთხვევაში, ნებისმიერი თავმოყვარე პრეზიდენტი აუცილებლად გადადგებოდა. მარგველაშვილი თავის ქმედებაზე ხელებს სხვისკენ იშვერს. ერთხელ ეკა ბესელიას მიმართ გაიშვირა, ახლა ოჯახის წევრებზე. შეიძლება ვინმეს კენედის მკვლელობაც დააბრალოს“, – განაცხადა ზარდიაშვილმა.