„თუ ე.წ. უდო-ს ინფორმაცია ჰქონდა, რომ ვეფვხია ბაქრაძე ასე უარყოფითად ხასიათდებოდა, რატომ დაუმალეს შეწყალების კომისიას?“

„თუ ე.წ. უდო-ს ინფორმაცია ჰქონდა, რომ ვეფვხია ბაქრაძე ასე უარყოფითად ხასიათდებოდა, რატომ დაუმალეს შეწყალების კომისიას?“ - პრეზიდენტი

პოლიტიკა - 17:04, 16 Apr, 2018

1268

რამდენიმე დღის წინ თბილისში, ბარნოვის ქუჩაზე მომხდარი მკვლელობის შესახებ განცხადება საქართველოს პრეზიდენტმა გიორგი მარგველაშვილმა გააკეთა. აღნიშნულ მკვლელობაში ბრალდებული გასულ წელს პრეზიდენტმა შეიწყალა და სწორედ ამ საკითხზე გაკეთდა პრეზიდენტის მხრიდან განმარტება.

პრეზიდენტმა უპასუხა კითხვას, თუ რატომ არ გაითვალისწინა პრეზიდენტმა ის გარემოება, რომ ბარნოვის ქუჩაზე მომხდარ მკვლელობაში ბრალდებულს ე.წ.უდო-ს კომისიამ ვადაზე ადრე გათავისუფლებაზე 6-ჯერ უთხრა უარი:

“ჩვენ ვერ გვექნებოდა ეს ინფორმაცია ე.წ.უდო-დან, რადგან ეს უარი იქნა ნათქვამი მხოლოდ იმის შემდეგ, რაც ჩვენ გავუნახევრეთ სასჯელი. ანუ დაკავებულმა თხოვნა შეიტანა მას შემდეგ, რაც პრეზიდენტმა შეიწყალა. ჩვენ მოგვაწოდეს უაღრესად დადებითი დახასიათებებები. თუ ე.წ.უდო-ს ჰქონდა ინფორმაცია იმის თაობაზე, რომ ეს პიროვნება ასე უარყოფითად ხასიათდებოდა, რატომ არ გვქონდა ეს ინფორმაცია ჩვენ? რატომ გვქონდა დადებითი დასკვნა ჩვენ და უარყოფითი ე.წ.უდო-ს? ჩვენ ვემყარებით იმ წყაროებს, რომლებსაც ლეგიტიმურად უნდა ვემყარებოდეთ, ფსიქოლოგის დასკვნას, სოციალური მუშაკის დასკვნას და ადმინისტრაციის დასკვნას. თუ ეს პიროვნება ასე უარყოფითად ხასიათდებოდა, რატომ დაუმალეს კომისიას ეს ინფორმაცია? რატომ გვაქვს ჩვენ უაღრესად დადებითი დასკვნა ამ პიროვნებაზე?!“ - განაცხადა პრეზიდენტმა.