„მოვა დრო, „ქართული ოცნება“ აღარ იქნება ხელისუფლებაში და თქვენი უსიცოცხლო პარტია ცარიელა რეგისტრაცია დარჩება“

„მოვა დრო, „ქართული ოცნება“ აღარ იქნება ხელისუფლებაში და თქვენი უსიცოცხლო პარტია ცარიელა რეგისტრაცია დარჩება“ - ლევან ჩხეიძე ირაკლი კობახიძეს პასუხობს

პოლიტიკა - 13:13, 14 Apr, 2018

3241

პარტიების დაფინანსების წესთან დაკავშირებით, საქართველოს პარლამენტის თავმჯდომარის განცხადებას ეხმაურება ,,ქრისტიან-დემოკრატიული მოძრაობის“ ერთერთი ლიდერი ლევან ჩხეიძე და მას უპასუხისმგებლობას და არაკორექტურლს უწოდებს.

"საქართველოს პარლამენტის თავმჯდომარის აბსოლიტურად არაკორექტულ და უპასუხისმგებლო განცხადებას მინდა გამოვეხმაურო. ბატონო ირაკლი, პირველ რიგში, ჯოჯუას პარტიას ქვია "ქრისტიან-დემოკრატიული მოძრაობა" და ამ ხალხმა 3 წლიანი სასამართლო დავების და ურთულესი პოლიტიკური კრიზისის პერიოდის გამოვლის შემდეგ დაიმსახურა, რომ მათ არ უწოდონ ვინმეს პარტია, განსხვავებით ქართული ოცნებისაგან რომელიც ერთმნიშვნელოვნად ივანიშვილის ჯიბის პარტიაა. რაც შეეხება ე.წ. ასათიანის პარტიას, ეს არის ,,ქართველ ტრადიციონალისტთა კავშირი'' რომელიც დაფუძნდა ბერლინში 1942 წელს და რომლის ლიდერიც საქართველოს პარლამენტის პირველი თავმჯდომარეა, რომელსაც დამოუკიდებლობის აქტზე აქვს ხელი მოწერილი და მინიმუმ კოლეგიალობის გამო ცოტა კორექტულად უნდა მოიხსენიოთ. რაც შეეხება ედპ-ს ეს არის უძველესი ქართული პარტია რომელის წევრიც ერთ დროს მამათქვენიც ბრძანდებოდა. და შეგახსენებთ თუ არ გახსოვთ მეც და თქვენ ახალგაზრდა ეროვნულ-დემოკრატები ვიყავით. როცა ამ პარტიების წევრთა რაოდენობაზე ლაპარკობთ, იფიქრეთ საკუთარი წევრების რაოდენობაზე, ხელისუფლებაში რომ არ იყოთ რამდენი წევრი გეყოლებოდათ და თქვენთვითონ თუ იქნებოდით მაგ პარტიის წევრი საერთოდ? მოვა დრო, რომ ქართული ოცნება აღარ იქნება ხელისუფლებაში და თქვენი უსიცოცხლო პარტია ცარიელა რეგისტრაცია დარჩება იუსტიციის სამინისტროში როგორც მოქალაქეთა კავშირი, ქრისტიან-დემოკრატია კი საქართველო მომავალია!" - აცხადებს ლევან ჩხეიძე.