ირაკლი კობახიძემ საპარლამენტო უმრავლესობის წევრის დავით ჭიჭინაძის განცხადებებს მოკლე კომენტარით გამოეხმაურა და თქვა, რომ "ჭიჭინაძის განცხადება თვითონ არის თავის თავის კომენტარი".

დეპუტატმა კი დღეს თქვა, რომ „ირაკლი კობახიძემ საკონსტიტუციო ცვლილებების განხილვის დროს ფილარმონიის სცენაზე თავისი თანაგუნდელები მიატოვა“.

ირაკლი კობახიძემ თქვა, რომ კონკრეტული დეპუტატები უშვებენ შეცდომებს, რაც არის სამწუხარო მოვლენა, რაც უახლოეს დღეებში აუცილებლად მოგვარდება.

“უნდა გაიწეროს წესები, რომლებზეც მუშაობა უახლოეს დღეებში დასრულდება. ამ წესებს განვიხილავთ უმრავლესობის ფორმატშიც, რის საფუძველზეც საპარლამენტო უმრავლესობაში გაგრძელდება მუშაობა ძალიან კონსტრუქციულად და მშვიდად. გაიწერება კონკრეტული წესები, რომლებიც უნდა იყოს დაცული თითოეული დეპუტატის მიერ. ეს არის ის წესები, რომლებსაც წესით დაწერა არც სჭირდება, თუმცა ვნახეთ, რომ ამ დღეების განმავლობაში სამწუხაროდ დაირღვა ეს წესები. თუ არ არის საკმარისი დაუწერელი წესები, ეს წესები უნდა დაწერო”, -განაცხადა ირაკლი კობახიძემ.