Reuters-ის ინფორმაციით, რომან ფიფია „BGEO Group“-ს 994 მილიონ დოლარს ლონდონის სასამართლოში ედავება

პოლიტიკა - 15:20, 13 Apr, 2018

2260

სააგენტო „როიტერსის“ ინფორმაციით, ინგლისისა და უელსის იუსტიციის უმაღლეს სასამართლოში დაწყებულია სამართალწარმოება ბ-ნ რომან ფიფიას („ბ-ნი ფიფია“) სარჩელზე BGEO Group-ის („BGEO“) წინააღმდეგ. BGEO არის ინგლისსა და უელსში რეგისტრირებული კომპანია და მისი აქციები განთავსებულია ლონდონის საფონდო ბირჟაზე. ბ-ნი ფიფია გახლდათ შპს „რუსთავის აზოტის“, საქართველოში რეგისტრირებული კომპანიის, აქტივების საბოლოო ბენეფიციარული მესაკუთრე. 2016 წლის აგვისტომდე შპს „რუსთავის აზოტი“ გახლდათ აზოტოვანი სასუქების მწარმოებელი ქარხნის მესაკუთრე და წარმატებით ოპერირებდა.

2011 წელს შპს „რუსთავის აზოტმა“ და ბ-ნი ფიფიას კონტროლს დაქვემდებარებულმა კიდევ ერთმა კომპანიამ გააფორმეს საკრედიტო ხელშეკრულება BGEO-ს შვილობილ კომპანიასთან სს „საქართველოს ბანკთან“.

„რუსთავის აზოტის“ ბიზნესი და აქტივები გაიყიდა 2016 წლის სექტემბერში მოწყობილ აუქციონზე („აუქციონი“).

ბ-ნი ფიფიას მტკიცებით, ხსენებული აუქციონი არასწორად ჩატარდა, მასში ჩართულნი იყვნენ დაკავშირებული პირები, მათ შორის BGEO, და შპს „რუსთავის აზოტის“ აქტივები გასხვისდა, რეალურ ღირებულებასთან შედარებით, მნიშვნელოვნად დაფალ ფასად. ბ-ნი ფიფიას სარჩელით მოთხოვნილი თანხა, რომელიც სრულად აანაზღაურებს მისთვის მიყენებულ ზიანს, შეადგენს მიახლოებით 994 მილიონ აშშ დოლარს. აღნიშნულ საქმეში, ბ-ნ ფიფიას წარმომადგენლები არიან ლონდონის იურიდიული კომპანიები - Blake Morgan LLP და Three Stone.