„Freedom Houses-ის ანგარიშის დასკვნებში იკვეთება მიკერძოება საქართველოს მოქმედი ხელისუფლების საწინააღმდეგოდ

„Freedom Houses-ის ანგარიშის დასკვნებში იკვეთება მიკერძოება საქართველოს მოქმედი ხელისუფლების საწინააღმდეგოდ - კობახიძე

პოლიტიკა - 14:17, 12 Apr, 2018

1311

Freedom Houses-ის ანგარიში - საქართველოს პარლამენტის თავმჯდომარემ ირაკლი კობახიძემ დღეს გამართულ ბრიფინგზე განცხადება გააკეთა, რომლის ფარგლებშიც აღნიშნა, რომ ანგარიშში მოყვანილ დასკვნებში იკვეთება მიკერძოება საქართველოს მოქმედი ხელისუფლების საწინააღმდეგოდ:

„გუშინ გამოქვეყნდა ამერიკული ორგანიზაცია Freedom House-ის ანგარიში საქართველოს დემოკრატიული განვითარების შესახებ. მიუხედავად იმისა, რომ ანგარიშის ავტორებს არსებითად უჭირთ შინაარსობრივად ხელისუფლების გაკრიტიკება, დასკვნებში აშკარად იკვეთება მათი მიკერძოება საქართველოს მოქმედი ხელისუფლების საწინააღმდეგოდ.

ყველას კარგად მოგეხსენებათ თუ რამდენად ფუნდამენტური წინსვლა განიცადა ჩვენმა ქვეყანამ 2012 წლის შემდეგ დემოკრატიის და ადამიანის უფლებების დაცვის მიმართულებით. 2012 წლამდე არსებული მოცემულობა იყო გაყალბებული არჩევნები, ნულოვანი ბალანსი ხელისუფლების ორგანოებს შორის, ადამიანის უფლებების უხეში დარღვევა, მათ შორის ადამიანების წამების, გაუპატიურების, საკუთრების ხელყოფის სისტემური პრაქტიკა, სასამართლოს სრული დაქვემდებარება იუსტიციის სამინისტროზე, ხელისუფლების ტოტალური თვითნებობა.

ეს პრობლემები საქართველოში 2012 წლიდან არსებითად გადაიჭრა. ამ ფონზე ანგარიშის თანახმად 7-ბალიან შკალაში, მხოლოდ 12 მეასედით არის გაუმჯობესებული საქართველოს რეიტინგი დემოკრატიული განვითარების თვალსაზრისით, რაც ყველაფერზე თავისთავად მეტყველებს“, - განაცხადა ირაკლი კობახიძემ.