"მედია და სასამართლო სისტემა ის სფეროებია, რომლებსაც ჩვენ ყურადღებას ვუთმობთ“- ჰერმანი Freedom House-ის ანგარიშს აფასებს

პოლიტიკა - 13:07, 12 Apr, 2018

944

საქართველოში ევროკავშირის წარმომადგენლობის ხელმძღვანელმა, იანოშ ჰერმანმა საერთაშორისო ორგანიზაცია Freedom House-ის ანგარიშზე ჟურნალისტებთან საუბრისას კომენტარი გააკეთა და აღნიშნა, რომ ევროკავშირი დიდ ყურადღებას უთმობს საერთაშორისო ორგანიზაციების ანგარიშებს, მიუხედავად ამისა, ევროკავშირს საქართველოში მიმდინარე პროცებზე საკუთარი მოსაზრება აქვს:

„მესმის, რომ ეს Freedom House-ის განსაკუთრებული ანგარიშია, რომელიც ეხება გარდამავალ პერიოდში მყოფ ქვეყნებს. რა თქმა უნდა, ჩვენ დიდ ყურადღებას ვუთმობთ სხვადასხვა საერთაშორისო არასამთავრობო ორგანიზაციების ანგარიშებს და მოსაზრებებს მათ შორის Freedom House-ის. მე ჯერ არ მქონდა საშუალება, რომ ანგარიშს სრულად გავცნობოდი, ამიტომ ვერ შევაფასებ. რაც პრესაში წავიკითხე, არის შენიშვნები, რომლებიც ეხება მედიის თავისუფლებას და სასამართლო სისტემას. ევროკავშირს საქართველოში მიმდინარე პროცესებთან დაკავშირებით საკუთარი მოსაზრებები გააჩნია და თქვენ მას კარგად იცნობთ ჩვენი ანგარიშებიდან. მინდა აღვნიშნო, რომ საქართველოსა და ევროკავშირს შორის არის დიალოგი და უახლოეს მომავალში გვექნება შეხვედრა, სადაც განვიხილავთ ადამიანის უფლებებსა და სასამართლოს თავისუფლებას. ვერ ვიტყოდი, რომ Freedom House-ის შეშფოთებას ვიზიარებთ, თუმცა მედია და სასამართლო სისტემა ის სფეროებია, რომლებსაც ჩვენ ყურადღებას ვუთმობთ“, – განაცხადა იანოშ ჰერმანმა.