ყველა, ვინც ამბობს, რომ მე რამე დავაშავე, გაფარჩაკდა "Freedom House"-ის ანგარიშით

ყველა, ვინც ამბობს, რომ მე რამე დავაშავე, გაფარჩაკდა "Freedom House"-ის ანგარიშით - მიხეილ სააკაშვილი

პოლიტიკა - 17:50, 11 Apr, 2018

3004

საქართველოს მესამე პრეზიდენტის და უკრაინის“ახალ ძალთა მოძრაობის“ ლიდერის მიხეილ სააკაშვილის შეფასებით "Freedom House"-ის ანგარიშმა კიდევ ერთხელ დაადასტურა, რომ მის წინააღმდეგ პოლიტიკური დევნა მიმდინარეობს, პოლიტიკური ანგარიშსწორების ავტორი კი ბიძინა ივანიშვილია.

„ახლა უკვე მთელი მსოფლიო აღიარებს, რომ ეს საქმეები არის სრულიად უსაფუძვლო და ყველა, ვინც ამბობს, რომ მე რამე დავაშავე, გაფარჩაკდა "Freedom House"-ის ანგარიშით, ისინი ტყუილად არაფერს წერენ. დადასტურდა, რომ ეს იყო დაუსაბუთებელი პოლიტიკური დევნა. მინდა ვუთხრა ივანიშვილს, მევახშეს, რომელიც გვიშლის ხელს, რომ საქართველო წინ წავიდეს, ხალხს მივცეთ ხელფასები, შევაჩეროთ ქვეყნის დაცლა ხალხისგან, მე ყველა შემთხვევაში დავბრუნდები საქართველოში, ჩემს სამშობლოში, ჩემს საყვარელ ხალხთან და ყველა შემთხვევაში დავასრულებ მის კლეპტოკრატიულ, ოლიგარქიულ მმართველობას, ანტიქართულ, ანტისახელმწიფოებრივ კურსს, რომელიც მას, მის მაფიას აქვს ახლა საქართველოში. ყველაფერი დადგება თავის ადგილზე.“- განაცხადა მიხეილ სააკაშვილმა.

გავლენიანი საერთაშორისო ორგანიზაცია წერს, რომ "ქართული ოცნების" ხელისუფლება კვლავაც ისწრაფვის საქართველოს მესამე პრეზიდენტის, მიხეილ სააკაშვილის გასამართლებისკენ.