"ევროპული საქართველოს" წევრი ირაკლი კიკნაველიძე “გაზპრომ მედიის” შვილობილ NTV Plus-ის საქართველოში შემოსვლის ფაქტს აფასებს.

მისი თქმით, საქართველოს ხელისუფლება რსული პროპაგანდის წინააღმდეგ არაფერს არ აკეთებს და პირიქით, ქართველების ფულით აფინანსებს პრორუსულ გამოცემებს.

"რუსეთი ყველა მეთოდით, განსაკუთრებით მედიის გამოყენებით ცდილობს გავლენა მოახდინოს საქართველოზე, სხვა სახელმწიფოებსა და სხვა ხალხებზეც. მთავარი პრობლემა რაზეც უნდა ვიდარდოთ არს ის რომ საქართველოს ხელისუფლება არაფერს აკეთებს რომ ამას წინ აღუდგეს.

ჩვენ ახლა გავიგეთ, რომ მთელი რუსული ჰოლდინგი შემოდის საქართველოში. აქამდე გვესმოდა და ვიცით, როგორ აფინანსებდა საქართველოს ხელისუფლება სხვადასხვა პრორუსულ და შავრაზმულ გამოცემებს საქართველოში გადამხდელების გადახდილი ფულით.

თუ გვინდა, რომ პრობლემას რასაც რუსული პროპაგანდა ჰქვია, გაუმკლავდეთ, პირველ რიგში საქართველოს ხელისუფლების დამოკიდებულება უნდა შეიცვალოს, თორემ რუსეთი ყოველთვის შეეცდება სხვადასხვა მეთოდების გამოყენებით გავლენას და თავის მიზანს მიაღწიოს, მთავარია ჩვენ როგორ დავხვდებით ამას"- განაცხადა ირაკლი კიკნაველიძემ.