"ივანიშვილის ტვირთი" ქართულ პოლიტიკას - "ინსტიტუციური წესრიგის აღდგენას პროცესის სახე უნდა მიეცეს და არა ერთჯერადი გადაწყვეტილებების"

პოლიტიკა - 14:12, 11 Apr, 2018

957

გარდამავალ ეტაპზე მყოფ სახელმწიფოებთან დაკავშირებით "Freedom House" მორიგ ანგარიშს აქვეყნებს, სადაც ნათქვემია, რომ საქართველოში დემოკრატიის ინდექსი გაუარესდა.
როგორც აანგარიშში წერია, - "საქართველოში მილიარდერი ბიძინა ივანიშვილი 2013 წელს, ერთწლიანი მმართველობის შემდეგ პრემიერ-მინისტრის პოსტიდან გადადგა, თუმცა მმართველს პარტიაზე კონტროლს ინარჩუნებს. ივანიშვილის პოლიტიკური ვენდეტები და თბილისის განვითარების გეგმა კვლავ ტვირთად აწევს ქართულ პოლიტიკას".

ექსპერტი გია ხუხაშვილი „ნიუპოსტთან“ საუბრისას აღნიშნულ საკითხს აფასებს და აღნიშნავს, რომ ივანიშვილის ფაქტორის გაქრობა პოლიტიკური პლატფორმიდან ინსტიტუციური წესრიგის აღდგენას ვერ უშველის.

"საერთოდ როდესაც ინსტიტუციური წესრიგი დარღვეულია ქვეყანაში, რა თქმა უნდა პრობლემაა. ერთია ჩვენი სამომავლო გეგმები და პრობლემები და მეორეა კონკრეტული მოცემულობა. კონკრეტული მოცემულობა, მიუხედავად იმისა, რომ შეიძლება ინსტიტუციური გაუგებრობა ჩვენ არ მოგვწონდეს, უბრალოდ ვერ უშვებს ბიძინა ივანიშვილის ფაქტორის ჩამოშორებას პოლიტიკიდან. თუ ჩვენ გვინდა ინსტიტუციური წესრიგი აღვადგინოთ, ამას უნდა მივცეთ პროცესის სახე და არა ერთჯერადი გადაწყვეტილების სახე“, - აცხადებს ბიძინა ივანიშვილი.