ფრაქცია „ქართული ოცნება-მწვანეების“ თავმჯდომარემ საპარლამენტო უმრავლესობის შესაძლო დაშლის შესახებ კომენტარი გააკეთა. გია გაჩეჩილაძე აცხადებს, რომ ის იქნება ბოლო ვინც უმრავლესობას დატოვებს.

„მწვანეთა ფრაქციის პოზიცია იქნება ყოველთვის მიმართული იმისკენ რომ, როგორმე უმრავლესობა იქნეს შენარჩუნებული. მინდა გითხრათ, რომ ბოლო გავა მწვანეთა ფრაქცია უმრავლესობიდან და ჩვენ ამას გამოვრიცხავთ, იმიტომ რომ ჩვენ სერიოზული საფრთხეების წინაშე ვდგავართ როგორც სახელმწიფო.

ძირითად ბირთვში რას გულისხმობთ? რამდენი კაცი უნდა გავიდეს უმრავლესობიდან უმრავლესობა რომ დარჩეს? მაგალითად, როგორც წინა პარლამენტში იყო 86 კაცი? ეს ხომ კატასტროფა იქნება უმცირესობისთვის, ახალი უმცირესობა შეიქმნება და ისინი გაქრებიან პარლამენტში... ამიტომ ისინი უნდა ოცნებობდნენ რომ ეგ არ მოხდეს“-აცხადებს გია გაჩეჩილაძე.