მიხეილ სააკაშვილი ევროპის ყველაზე დიდი სახალხო პარტიის პოლიტიკურ ასამბლეაზე სიტყვით გამოდის. „ნაციონალური მოძრაობის“ ლიდერის მთავარი გზავნილი საქართველოში პოლიტპატიმრების არსებობას ეხება.

მესამე პრეზიდენტი რამდენიმე გვარს ასახელებს, მათ შორის ვანო მერაბიშვილს და ბაჩო ახალაიას. სააკაშვილი საქართველოსა და მთელი მსოფლიოს გამოწვევაზე, რუსეთის ფედერაციაზეც საუბრობს.

საქართველოს მესამე პრეზიდენტი მიიჩნევს, რომ სხვა რუს ოლიგარქებთან ერთად, რომლებსაც აშშ-ის სანქციები შეეხოთ, ბიძინა ივანიშილის უნდა იყოს:

„მე მქონდა მიმართვა პოლიტიკურ ასამბლეაზე, მე ვილაპარაკე პოლიტიკურ პატიმრებზე, ვანო მერაბიშვილზე დადასტურებით თქვა სტრასბურგმა, რომ ის ციხეში ზის მხოლოდ იმის გამო, რომ უარი თქვა ჩემს წინააღმდეგ მიეცა ჩვენება, ამას აქვს დიდი გამოხმაურება, არის სტრასბურგის გადაწყვეტილება ვანოზე, ბაჩოზე იქნება იმედია სტრასბურგის გადაწყვეტილება და ისინი აბსოლუტურად უკანონო პატიმრობაში რჩებიან, ეს უკანონობა უნდა დასრულდეს ჩვენი სწორი ქმედებებით, დემოკრატიის და კანონის ფარგლებში“, - განაცხადა მიხეილ სააკაშვილმა.