ოკუპირებული სამხრეთ ოსეთის მარიონეტული რეჟიმი კვირიკაშვილის ინიციატივას სერიოზულად არ აღიქვამს

პოლიტიკა - 13:16, 06 Apr, 2018

2070

საქართველოს ხელისუფლებამ გაიცნობიერა, რომ უახლოეს მომავალში სამხრეთ ოსეთსა და აფხაზეთს სამხედრო გზით ვერ დაიბრუნებს, ტაქტიკა შეცვალა და წამოიწყო პიარ-აქცია, - ასეთ შეფასებას აძლევს ე.წ. "სამხრეთ ოსეთის" საოკუპაციო რეჟიმის საგარეო უწყება საქართველოს პრემიერ-მინისტრის გიორგი კვირიკაშვილს ახალ საკანონმდებლო ინიციატივას - "ნაბიჯი უკეთესი მომავლისკენ".

"ქართველი პოლიტიკოსები კიდევ ერთხელ გულუბრყვილოდ მიიჩნევენ, რომ სამხრეთ ოსეთის მოქალაქეები მოისურვებენ ახალ სატყუარას წამოეგონ," - ააცხადებს მარიონეტული რეჟიმი.

უწყებაში მიაჩნიათ, რომ მათ არ აქვთ იმედი, რომ საქართველოს ხელისუფლება პრობლემის მშვიდობიანი მოგვარების გზას დაადგა და აცხადებენ, რომ ეს არის ნაბიჯი, რომელიც გამიზნულია ძალის გამოუყენებლობის შესახებ შეთანხმების ხელმოწერისა და ოსი ხალხის გენოციდის აღაირების შესახებ საქართველოს მხრიდან გადაწყვეტილების მიღებისგან თავის არიდების მიზნით.

"ეს არ არის თბილისის პირველი მცდელობა, რომ ხმამაღალი განცხადება გააკეთოს სამხრეთ ოსეთთან თანამშრომლობის დარეგულირების სურვილის შესახებ, ამიტომაც, მისი სერიოზულად მიღება არ ღირს," - ნათქვამია განცხადებაში.