„ქრისტიან–დემოკრატიული მოძრაობა“ მოუწოდებს საქართველოს პრემიერ–მინისტრს და აღმასრულებელ ხელისუფლებას გააქტიუროს ქმედებები მოსალოდნელი გეოპოლიტიკური საფრთხეების ასაცილებლად.

ამის შესახებ განცხადება პარტიის საგარეო ურთიერთობათა მდივანმა ლევან ჩხეიძემ გააკეთა.

„ანკარაში პრეზიდენტმა ერდოღანმა უმასპინძლა რუსეთისა და ირანის პრეზიდენტებს, ხოლო ვაშინგტონში – პრეზიდენტმა ტრამპმა სტუმრად მიიღო ლიტვის, ლატვიისა და ესტონეთის პრეზიდენტები. ამ ორი შეხვედრის პარალელურად გამართვა არ არის შემთხვევითი და რეგიონში მნიშვნელოვანი გეოპოლიტიკური ცვლილებებისკენ მიანიშნებს, მოცემულ ფონზე, საქართველოს მთავრობის პასიურობა იწვევს შეშფოთებას, რამეთუ მოსალოდნელი გეოპოლიტიკური ცვლილებები აუცილებლად ეხება საქართველოს ეროვნულ ინტერესებს“ - აცხადებს ჩხეიძე.