ლაითურში ადგილობრივმა მოსახლეობამ გზა გადაკეტა: "ხეების გადატანის, მათი მოთხრის, მოჭრის და გაჩეხვის გამო, ქარსაფარი ზოლის განადგურების გამო, ქარმა წაგვიღოს ლამის. მოვითხოვთ, შეწყდეს ბუნების განადგურება. ტყეში ერთი ხე აღარ დარჩა. ერთი წყალი გვქავს აქ და იმის გარეშეც ვრჩებით. არ გავატარებთ ხეებს"-აცხადებენ აქციაზე შეკრებილები.

ამ წუთებში შეკვეთილის რეზიდენციაში 5 ასწლოვანი ხე სწორედ ლაითურიდან უნდა წაიღონ.

ადგილობრივები აცხადებენ, რომ ისინი არ გაატარებენ ხის გადამტან მანქანებს.

ასწოვანი ხეების ტრანსპორტირების გამო, დღეს რამდენიმე საათით შეწყდება სარკინიგზო მიმოსვლა თბილისი-ბათუმის მიმართულებით და მიმდებარე სოფლებს შეუწყდებათ ელექტრო ენერგიის მიწოდება.