სახელმწიფო ორგანოებს შავი ფერის მანქანის შესყიდვა აეკრძალათ - დადგენილებას ოპოზიცია საზოგადოების დაცინვას უწოდებს

პოლიტიკა - 10:09, 05 Apr, 2018

3500

სახელმწიფო ავტოპარკის გადანაწილების, კლასიფიკაციისა და სამსახურებრივი ავტომანქანის შესყიდვის ან ჩანაცვლების წესის დამტკიცების შესახებ“ საქართველოს მთავრობის 2014 წლის 6 თებერვლის №121 დადგენილებაში ცვლილება შევიდა და ანართის პრეამბულას დაემატა შემდეგი შინაარსის ქვეპუნქტი:

„შესასყიდი ყველა კლასის ავტომობილი შეიძლება იყოს ნებისმიერი ფერის, გარდა შავისა.“

საქართველოს სამინისტროებმა 2018 წლის 25 აპრილამდე სამთავრობო კომისიას უნდა წარუდგინონ სამინისტროებისა და მათ დაქვემდებარებაში არსებულ უწყებათა ავტოპარკისოპტიმიზაციის გეგმები

აღმასრულებელი ხელისუფლების დაწესებულებების ბალანსზე არსებული ავტომანქანები,რომელთა გამოყენება ვერ ხერხდება გაუმართაობის გამო, ხოლო მათი შეკეთებაარარენტაბელურია, 2018 წლის 15 მაისამდე განკარგვისთვის ფინანსთა სამინისტროს მომსახურების სააგენტოს უნდა გადაეცეს.

გასული წლის ნოემბერში პრემიერი კვირიკაშვილი აცხადებდა, რომ საქართველოში შავი ჯიპების ეპოქის დასრულების დროა, რადგან ეს ყველას, მათ შორის, მასაც აღიზიანებდა. სწორედ ამ განცხადებიდან გამომდინარე, მხოლოდ მანქანების ფერის შეცვლის შესახებ მიღებულ დადგენილებას ოპოზიცია არასერიოზულს და საზოგადოების დაცინვას უწოდებს.

"რეალურად ეს არის საზოგადოების დაცინვა, ვინაიდან მთავარი აქ არის არა მანქანების ფერი, არამედ ის ფაქტი რომ ხელისუფლება აურაცხელ ფულს ხარჯავს საკუთარი თავის შენახვაზე, საკუთარ აქტივისტებზე, ჩინოვნიკებზე," - განაცხადა "ნაციონალური მოძრაობის" წევრმა ზაზა ბიბილაშვილმა.

ევროპულ საქართველოში" კი ხელისუფლების ინიციატივას ჯიპების ფერის შეცვლის შესახებ "აბსურდულს და სასაცილოს" უწოდებენ.

"თურმე ჩვენი ქვეყნის პრობლემა ყოფილა შავი ჯიპები. პრობლემა არის ამ ჯიპების ფასი და პრობლემა არის ის თუ რამდენს ხარჯავს ხელისუფლება საკუთარ ფუფუნებაზე, საკუთარ ხელფასზე და პრემიაზე ბიუჯეტიდან, რამდენ ფულს იღებს ბიზნესიდან და ეკონომიკიდან საკუთარი კეთილდღეობისათვის." - აცხადებს ირაკლი კიკნაველიძე.