მოზარდების მკვლელობის საქმეზე სკანდალური ფარული აუდიო მტკიცებულება წარდგინეს. ჩანაწერი დავით სარალიძის და ლევან დადუნაშვილის მკვლელობიდან მალევე, სავარაუდოდ, პოლიციის განყოფილებაშია გაკეთებული.

ჩანაწერში პირველად ისმის ვარაუდი, რომ დავით სარალიძეს დანა შესაძლოა, მისმა მეგობარმაც დაარტყა.

კურიერის მოპოვებული ჩანაწერის მიხედვით, ფარდულში, სადაც ინცინდენტის ძირითადი ნაწილი განვითარდა, მინიმუმ, ხუთი მოზარდი იყო. აქედან არასრულწლოვანი მხოლოდ ერთს არ მოიხსენიებს გვარით, თუმცა, გამომძიებელს მის აღნაგობასა და ჩაცმულობაზე დეტალურ ინფორმაციას აწვდის.