"ოცნების“ ახალი სტანდარტია, ყველა შეხვედრაზე ჩხუბი და გინება, იმისთვის, რომ შეხვედრები ჩაშალონ

"ოცნების“ ახალი სტანდარტია, ყველა შეხვედრაზე ჩხუბი და გინება, იმისთვის, რომ შეხვედრები ჩაშალონ - გიორგი ვაშაძე

პოლიტიკა - 15:21, 03 Apr, 2018

1462

გარემოს დაცვისა და ბუნებრივი რესურსების კომიტეტის სხდომაზე მომხდა დაპირისპირებას „ახალი საქართველოს“ ლიდერი უმრავლესობის პასუხად აფასებს, იმაზე რაც ქვეყანაში ხდება და რაზეც საზოგადოებასაც და ოპოზიციასაც ხელისუფლებასთან პრეტენზიები აქვს. გიორგი ვაშაძის თქმით, ხელისუფლებამ სახე დაკარგა და ყველა იმ შეხვედრის ჩაშლას ცდილობს, სადაც მათი მისამართით შეკითხვები ისმის:

„სრულ მარაზმში ვართ იმიტომ რომ ვერ გაიგო, რატომ წამოხტა ეს ადამიანი და რატომ დაიწყო გინება. მე ვფიქრობ, რომ ეს არის „ქართული ოცნების“ ახალი სტანდარტი, ყველა შეხვედრაზე ჩხუბი და გინება, იმისთვის, რომ როგორმე შეხვედრები ჩაშალონ. ეს არის ძალიან სამწუხარო. ხელისუფლებამ დაკარგა საკუთარი სახე. დმანისში ვიყავით, დავადგინეთ ამზომველებთან ერთად რომ სახელმწიფო საკუთრებაში არსებულ ტერიტორიაზე ქარხაბა აქვთ აშენებული, რაც ჩვენ აუქციონში მოვიგეთ იქ მართვის პულტია გაკეთებული და ამაზე აი ესაა პასუხი რასაც ვიღებთ.“- განაცხადა გიორგი ვაშაძემ.

შეგახსენებთ, პარლამენტში დღეს გიორგი ვაშაძეს უმრავლესობის წევრი გიორგი გაჩეჩილაძე დაუპირისპირდა და ის ხელისუფლებაში ყოფნის დროს ბუნებრივ რესურსებთან დაკავშირებით უკანონო გადაწყვეტილების მიღებაში დაადანაშაულა. სიტყვიერი დაპირისპირება შემდეგში ხელჩართულ ჩხუბში გადაიზარდა.