ვინ არის გარემოსა და ბუნებრივი რესურსების დაცვის კომიტეტის თავმჯდომარე კახაბერ კუჭავა და რა ინტერესები აქვს მას RMG group-თან მიმართებით - კახაბერ კუჭავა, 2016 წლის 18 ნოემბრამდე სს. „ჯორჯიან კოპერ ენდ გოლდის“ გენერალური დირექტორი გახლდათ.

აღსანიშნავია, რომ შპს „კავკასიის სამთო ჯგუფი“ ფლობს შპს „არ ემ ჯი აურამაინის“ (404908775) 100% წილს. ასევე, „კავკასიის სამთო ჯგუფი“ ბრიტანეთის ვირჯინიის კუნძულებზე რეგისტრირებულ GMC Investment limited-თან ერთად ფლობს (50% წილს) საქართველოში რეგისტრირებულ სს „ჯორჯიან კოპერ ენდ გოლდს“.

დღეს გარემოსა და ბუნებრივი რესურსების კომიტეტის სხდომაზე "RMG Gold"-ის საქმიანობის განხილვა ხმაურისა და დაპირისპირების ფონზე წარიმართა.

ერთმანეთს კომიტეტის თავმჯდომარე კახა კუჭავა და საპარლამენტო ოპოზიციის წევრების რამდენიმეჯერ სიტყვიერად დაუპირისპირდნენ.

„რატომ არ ესწრება სხდომას თქვენი დეპუტატი , თქვენი პარტიის წევრი, ბატონი კობა ნაყოფია, რომელიც წლების განმავლობაში ფლობდა ამ კომპანიას, ამ კომპანიის დირექტორი იყო და დღესაც მეწილეა ამ კომპანიის, მაშინ როდესაც ის პარლამენტის წევრი იყო, მაშინ როდესაც ევროპული საქართველოს წევრი, კაკო ბობოხიძე ამ კომიტეტის წევრი იყო, მიიღეთ კანონი რომლის მიხედვითაც პასუხისმგებლობა ყველა დარღვევაზე ჩამოაწერეთ ამ კომპანიას“-განაცხადა კუჭავამ.