ქართულმა მხარემ ტატუნაშვილის გარდაცვალება დემაგოგიური ბრალდებებისთვის გამოიყენა

ქართულმა მხარემ ტატუნაშვილის გარდაცვალება დემაგოგიური ბრალდებებისთვის გამოიყენა - ჯიოევი

პოლიტიკა - 11:06, 03 Apr, 2018

3317

პოსტკონფლიქტური დარეგულირების საკითხებში ცხინვალის დე ფაქტო ხელისუფლების სპეციალური წარმომადგენლის მურატ ჯიოევის განცხადებით, საქართველოს ხელისუფლებამ საკუთარი მოქალაქის არჩილ ტატუნაშვილის გარდაცვალება გამოიყენა, რათა კიდევ ერთხელ დაედანაშაულებინა რუსეთი და თავისი პრონატოური პოზიციის დემონსტრირება მოხდინა. ამის შესახებ ჯოჯიევმა ოკუპირებული სამხრეთ ოსეთის ე.წ. პრეზიდენთან ანატოლ ბიბილოვთან შეხვედრაზე განაცხადა.

ჯოიევმა თიბილოვს ჟენევის მოლაპარაკებების ბოლო რაუნდის შესახებ მიაწოდა ინფორმაცია. ჯოიევმა თიბილოვს ასევე, განუცხადა, რომ 1 მარტს, ქართულმა მხარემ ერგნეთში შეხვედრის ჩაშლა სცადა.

„ქართულმა მხარემ ეს იმით ახსნა, რომ ტატუნაშვილის გარდაცვალების გამო კონკრეტული საკითხების განხილვა არ შეეძლო, რაზეც ჩვენ ვუპასუხეთ, რომ დღის წესრიგში იყო სხვა საკითხებიც, რომელიც იმ დღეს უნდა განგვეხილა, რადგან მნიშვნელოვანია საზღვრის მიმდებარე ტერიტორიაზე მაცხოვრებელი მოსახლეობისთვის“ - განაცხადა ჯოიევმა.

ჯოიევის თქმით, ქართული მხარე შეეცადა, არჩილ ტატუნაშვილის სიკვდილი სამხრეთ ოსეთის მიმართ დემაგოგიური ბრალდებებისთვის გამოეყენებინა.

„მათ ვუთხარი, რომ ქართულ მხარეს არ აქვს დასკვნა ტატუნაშვილის გარდაცვალების შესახებ, გარდა იმ ექსპერტიზის დასკვნისა, რაც მათ სამხრეთ ოსეთის მხარემ გადასცა ცხედართან ერთად და მათი საუბრები სხვა არაფერია, ვიდრე პოლიტიკური ამბიციები“ - განაცხადა ჯოიევმა.

მისი მოსმენის შემდეგ ე.წ. პრეზიდენტმა თიბილოვმა განაცხადა, რომ ქართული მხარისთვის არჩილ ტატუნაშვილის ცხედრის გადაცემა სწორი საქციელი იყო.