"გაქოცებული პატრიოტები იმატებენ ხელფასებს" -ბორჯომის საკრებულო თავმჯდომარეს ირჩევს და ხელფასების საკითხს განიხილავს

პოლიტიკა - 09:51, 02 Apr, 2018

1491

ბორჯომის საკრებულოში დღეს რიგგარეშე სხდომა ჩატარდება, რომელზეც ახალი თავმჯდომარე უნდა აირჩევენ. კანდიდატი „პატრიოტთა ალიანსის“ წევრი და საკრებულოს თავმჯდომარის მოვალეობის შემსრულებელი გიორგი გოგიჩაიშვილია.

კენჭისყრა ფარული იქნება და თავმჯდომარის ასარჩევად 15 დეპუტატის ხმაა საჭირო.

თავმჯდომარის არჩევის გარდა საკრებულოს წევრებმა მერიის თანამშრომლების ხელფასები და ფრაქციების დარეგისტრირების საკითხიც უნდა განიხილონ.

ამ თემაზე შეთანხმების ვერ მიღწევა გახდა ერთ-ერთი მიზეზი, რის გამოც საკრებულოს წევრებმა გასულ კვირას ზაზა ჩაჩანიძე საკრებულოს თავმჯდომარის პოსტიდან გადააყენეს. მის მოვალეობას ამ ეტაპზე „პატრიოტთა ალიანსის“ წევრი გიორგი გოგიჩაიშვილი ასრულებს.

„ლეიბორისტული პარტიის წარმომადგენელი ამბობს, რომ თუ ადრე მხოლოდ მერიის ხელფასების მომატებაზე იყო საუბარი ახლა ხელფასებს საკრებულოს წევრებიც იმატებენ.

„გაქოცებული პატრიოტები პირველ რიგში იმატებენ ხელფასებს დაშალეს მიზანმიმართულად დაშალეს ოპოზიციური საკრებულო და ახლა იქნება საკრებულო გასუსებული“- განაცხადა ბორჯომის საკრებულოს წევრმა ლეიბორისტული პარტიიდან გიორგი გიუაშვილმა რ2-თან.

28 მარტს საკრებულოს დეპუტატებმა თავმჯდომარე ზაზა ჩაჩანიძე, რომელიც „პატრიოტთა ალიანსის“ წევრი იყო, დაკავებული თანამდებობიდან გადააყენეს.