აქცია მესტიაში - ადგილობრივ მოსახლეობასთან მოსალაპარაკებლად შინაგან საქმეთა მინისტრის მოადგილე ჩავიდა. აქციის მონაწილეები რამდენიმე საათია მესტიის ცენტრში არიან შეკრებილები და „ჭალაჰესის“ მშენებლობას აპროტესტებენ.

მათ მძიმე ტექნიკის ბლოკირება მაოხდინეს, ერთ-ერთი ორსული ქალბატონი პროტესტის ნიშნად გზაზე დაწვა.

მესტიის მოსახლეობა ხელისუფლებას სიცრუეში ადანაშაულებს და აფრთხილებს, არ გამოიყენონ მათ წინააღმდეგ პოლიციის ძალა, რადგან წინააღმდეგ შემთხვევაში, პროცესები, შესაძლოა, უმართავი გახდეს.