ნარკოტრეფიკის საქმის სკანდალური დეტალები - 2012 წელს პოლიტპატიმრის სტატუსით გათავისუფლებული ქორიძე, იგივე დანაშაულისთვის იყო დაკავებული

პოლიტიკა - 18:10, 31 Mar, 2018

4876

ნარკოტრეფიკის საქმის ახალი დეტალები - ირაკლი ქორიძე წარსულში ნარკოდანაშაულისთვის იყო დაკავებული და იგი მოგვიანებით პოლიტპატიმრის სტატუსით გაათავისუფლეს.

„კურიერის“ ინფორმაციით ორგანიზებული დანაშაულისთვის გუშინ დაკავებული კატასტროფის მედიცინის ცენტრის დირექტორი, ამავე დანაშაულისთვის სასჯელს წარსულშიც იხდიდა. ირაკლი ქორიძე 2010 წელს თბილისის საერთაშორისო აეროპორტში დააკავეს და 2012 წელს პოლიტპატიმრის სტატუსით გაათავისუფლეს.

ინფორმაციას ამის შესახებ დაკავებულის ადვოკატიც ადასტურებს, რაც შეეხება დაკავებულს ის ბრალს არ აღიარებს და თავს დამნაშავედ არ ცნობს.

რაც შეეხება ეკა ბესლიას, მან „კურიერთან“ უარყო ის ფაქტი, რომ პოლიტპატიმრების სიაში ირაკლი ქორიძე იყო, თუმცა, რუსთავი 2-მა მოიპოვა შესაბამისი დოკუმენტი მიაწოდეს, რომელსაც ხელს ეკა ბესელია აწერს.

„წარმოდგენილი მასალებით იკვეთება, რომ განმცხადებლის მიმართ სამართალწარმოების განხორციელების დროს არსებობდა სერიოზული პოლიტიკური მოტივი, ზემოთ მითითებული გარემოებების გათვალისწინებით, ირაკლი ქორიძეს შუამდგომლობას ვუწევთ შეწყალების თაობაზე“, - ნათქვამია წერილში, რომელსაც ეკა ბესელია აწერს ხელს.

ირაკლი ქორიძეს საქართველოში დიდი ოდენობით ნარკოტიკული საშუალების შემოტანის ფაქტზე ბრალს დღის ბოლომდე წარუდგენე. ამავე საქმეზე ბრალი სავარუდოდ დაუმძიმდება მსახიობ გიორგი გიორგანაშვილსაც.