„აშშ-ის მხარდამჭერი პოლიტიკური გზავნილი და პრაქტიკული აქტი, რომელსაც კანონის ძალა ექნება“

„აშშ-ის მხარდამჭერი პოლიტიკური გზავნილი და პრაქტიკული აქტი, რომელსაც კანონის ძალა ექნება“ - ექსპეტი პრეზიდენტის ინიციატივაზე

პოლიტიკა - 20:47, 30 Mar, 2018

1545

საქართველოს რეფორმების ასოციაციის (GRASS) დირექტორი, პაატა გაფრინდაშვილი აშშ-ს მიერ საქართველოს მხარდამჭერი აქტის მიღების ინიციატივასთან დაკავშირებით პრეზიდენტს წერილზე საუბრობს.

ექსპერტი მიიჩნევს, რომ დოკუმენტში პოლიტიკურთან ერთად ეკონომიკური საკითხებიც უნდა ჩაიდოს. გაფრინდაშვილი პროცესში ლობისტების ჩართვის აუცილებლობაზეც ამახვილებს ყურადღებას.

"გარდა ძალან სერიოზული პოლიტიკური გზავნილისა ჩვენი სტრატეგიული პარტნიორის, ამერიკის შეერთებული შტატების მიერ, მითუმეტეს შექმნილი ვითარებაში, სადაც პრაქტიკულად დაწყებულია ე.წ. მეორე ცივი ომი, რომლის ინიციატორი და შემოქმედი რა თქმა უნდა რუსეთი გახლავთ, გარდა ამ პოლიტიკური მხარდამჭერი გზავნილისა, მეორეს მხრივ ეს იქნება ძალიან პრაქტიკული დატვირთვის მქონე აქტი, რადგან მას კანონის ძალა ექნება, ის იქნება კონგრესის მიერ მიღებული, შესაბამისად, ეს იმთავითვე იმას ნიშნავს, რომ ძალიან გრძელვადიანი იქნება" - თქვა გაფრინდაშვილმა.

საქართველოს პრეზიდენტმა პრემიერსა და პარლამენტის თავმჯდომარეს აშშ-ს მიერ საქართველოს მხარდამჭერი აქტის მიღების ინიციატივასთან დაკავშირებით ოფიციალური წერილით მიმართა.

გიორგი მარგველაშვილმა ინიციატივასთან დაკავშირებით კონსულტაციებისათვის სრული მზადყოფნა გამოთქვა და საქართველოს მხარდამჭერი აქტისა და შემდგომი სამოქმედო ნაბიჯების შესახებ პრემიერსა და პარლამენტის თავმჯდომარეს დეტალური ინფორმაცია მიაწოდა.