საქართველოს პრემიერ-მინისტრმა, გიორგი კვირიკაშვილმა პარლამენტის შუალედურ არჩევნებზე ვანისა და ხონის საარჩევნო ოლქში „ქართული ოცნების“ მაჟორიტარი დეპუტატობის კანდიდატი, გივი ჭიჭინაძე ამომრჩევლებს დღეს ხონში წარუდგინა.

„მინდა აღვნიშნო ბატონი გივის ერთი ძალიან მნიშვნელოვანი თვისება – ეს არის გულისხმიერება. მას არ შეუძლია უყურადღებოდ დატოვოს ვინმეს გასაჭირი. ეს თვისება აუცილებელია მაჟორიტარისთვის, ვინაიდან გაითავისოს ყველა ადამიანის ტკივილი და სიხარული“, - აღნიშნა გიორგი კვირიკაშვილმა და ვანისა და ხონის ყოფილ მაჟორიტარ დეპუტატს, გიორგი ლილუაშვილს მადლობა გადაუხადა.