"როსსელხოზნადზორი" საქართველოს ბიოლოგიური იარაღის გამოყენებასა და აფხაზეთში ფაროსანას გავრცელებაში ადანაშაულებს

პოლიტიკა - 14:21, 30 Mar, 2018

5936

ოკუპირებული აფხაზეთიდან რუსეთში ხილისა და თხილის გატანის აკრძლვა, რომელიც 2 აპრილიდან უნდა ამოქმედდეს შეიძლება განუსაზღვრელი ვადით გაგრძელდეს. "როსსელხოზნადზორის" წარმომადგენლის იულია მელანოს თქმით, „აფხაზეთი ვერ იძლევა გარანტიას, რომ მოკლე დროში შეძლებს მავნებლის პრობლემის მოგვარებას“, ამიტომ შეზღუდვა წესდება ყველა სახის მცენარეულ პროდუქტის რუსეთში შეტანაზე, მათ შორის მრავლჯერადი შეფუთვისთვის გამოყენებად ხის მასალებზეც.

"როსსელხოზნადზორის" წარმომადგენელი რუსულ მედიასთან სკანდალურ განცხადებას აკეთებს და არ გამორიცხავს, რომ აფხაზეთის ტერიტორიაზე აზიური ფაროსანას გავრცელება, შესაძლოა ბიოლოგიური იარაღის გამოყენების შედეგი იყოს, ამაში კი საქართველოს ადანაშაულებს. მისი თქმით, საქართველოს ტერიტორიაზე რამდენიმე ამერიკული ბიოლოგიური ლაბორატორიაა, რომელთა საქმიანობაც მათთვის უცნობია. მელანოს თქმით, სწორედ საქართველოდან შეიტანეს ღორის აფრიკული ჭირის ვირუსიც და ინფექცია უპრეცენდენტოდ სწრაფი ტემპით ვრცელდება.

„იგივე შემთხვევაა აზიურ ფაროსანასთან დაკავშირებით, რომელიც აფხაზურ პროდუქციაში აღმოჩნდა. თუ ჩვეულებრივი მავნებელი სეზონზე სამჯერ იძლევა შთამომავლობას, ახალი ფაროსანას შემთხვევაში ეს ექვსჯერ ხდება.“- განაცხადა მელანომ.