ინაუგურაციაზე როუჰანმა, თავის გამოსვლაში, დადო ზომიერების პირობა და გააკეთა მოწოდება, საერთაშორისო სანქციების მოხსნასთან დაკავშირებით.

მაჰმუდ აჰმადინეჯადის მმართველობის დროს, ვაშინგტონსა და თეირანს შორის ურთიერთობები გართულებული იყო.

როუჰანის გამოსვლაში ტონი იყო შემრიგებლური და შეიცავდა მკაფიო გზავნილებს, როგორც ირანის შიგნით, ისე მის ფარგლებს გარეთ გარკვეული ძალების მიმართ:

,,საერთაშორისო თანამშრომლობის სფეროში ჩემი მთავრობა შეეცდება, განამტკიცოს ურთიერთნდობა ირანსა და დანარჩენ მსოფლიოს შორის. ამ საკითხში გადამწყვეტ როლს ითამაშებს გამჭვირვალობა და ეს არ უნდა იყოს მხოლოდ ცალმხრივი, მოკლებული პრაქტიკულ ზომებს ჩვენს ორმხრივ და მრავალმხრივ ურთიერთობებში".

ვაშინგტონში ბოლო დღეებში გაჩნდა განცდა იმისა, რომ ურთიერთობები ირანთან შესაძლებელია გამოვიდეს მრავალწლიანი ჩიხიდან, - ამის შესახებაც იტყობინება ,,ბი-ბი-სის" კორესპონდენტი ქეით უოტსონი.
როუჰანი, რომელიც ხელმძღვანელობდა ირანის დელეგაციას ბირთვულ პროგრამაზე მოლაპარაკების ფორმატში, აცხადებს, რომ ვერცერთი ქვეყანა ვერ შეინარჩუნებს მშვიდობას ომის გზით და ირანი არ გახდება ამის მიზეზი არცერთი მხრიდან.

მან წამყვან სამინისტროებში ზომიერებით ცნობილი ფიგურები დანიშნა, მაგალითად საგარეო საქმეთა მინისტრის პოსტი დაიკავა ირანის წარმომადგენელმა გაეროში - მუჰამედ ჯავად ზაფირმა.