"ჯერ საქართველოს ტერიტორიული მთლიანობის უპატივცემულობაში გვადანაშაულებდნენ, შემდეგ შეჭრაში" - ზახაროვა ბრიტანეთის ბრალდებებს აბსურდულს უწოდებს

პოლიტიკა - 18:18, 29 Mar, 2018

4435

რუსეთის საგარეო საქმეთა სამინისტროს ოფიციალური წარმომადგენლის მარია ზახაროვას თქმით, დიდი ბრიტანეთის მხრიდან რუსეთის მიმართ პრეტენზიების სია შეუჩერებლად იზრდება. ამ კონტექსტში ზახაროვამ საქართველოზე ისაუბრა. ზახაროვას განცხადებით ლონდონი რუსეთს მსოფლიოს ქვეყნებში 12 აგრესიული აქტის განხორციელებაში ადანაშაულებს, რამდენიმე დღის წინ კი სიაში კი მხოლოდ 8 პუნქტი იყო. ზახაროვას თქმით, განსაკუთრებულ გაოცებას იწვევს მოსკოვისთვის 2015 წელს ბუნდესტაგზე განხორციელებულ კიბერთავდასხმაში წაყენებული ბრალდება.

„10 დღე გავიდა, შეუთავსებლობაა. რაზე უნდა ვილაპარაკოთ? რაზე გავაკეთოთ სწორება? ბრალდების აბსურდულობაზე არც კი ვსაუბრობ. როგორც ჩანს გაჩნდა დამატებითი ბრალდებები ისტორიულ პერსპექტივაში, უფროს ძმასთან კონსულტაციის შემდეგ. 14 მარტს რუსეთს ადანაშაულებდნენ საქართველოს ტერიტორიული მთლიანობის უპატივცემულობაში. შემდეგ უკვე საქართველოში შეჭრა მიაწერეს. განსაკუთრებით გაოცებას იწვევს ამ მზარდ ჩამონათვალში 2015 წელს ბუნდესტაგის გატეხვის ბრალდების მიწერაც. მინდა შევახსენო, რომ ჩვენ ბუნდესტაგი მხოლოდ ერთხელ გავტეხეთ - 1945 წელს, ბერლინის ნაცისტური ჭირისგან გათავისუფლების დროს, მაშინ მას რაიხსტაგი ერქვა.“- განაცხადა ზახაროვამ.