"ცოლი რომ არ მომეყვანა, ალბათ დავიღუპებოდი“ - "სარკემ" მარტოხელა ქალსა და მამაკაცს ერთმანეთი აპოვნინა

სოც.მედია - 14:20, 29 Mar, 2018

4411

52 წლის თერჯოლელმა მამაკაცმა გოჩა ნემსიწვერიძემ და 44 წლის ნონა გელოვანმა ერთმანეთი ჟურნალ „სარკის“ მეშვეობით იპოვეს. გოჩამ ჟურნალში განცხადება გამოაქვეყნა ოჯახის შესაქმნელად სასურველი კანდიდატურის გაცნობის მიზნით და არჩევანიც ნოანზე შეაჩერა.

მათი დაქორწინება უსწრაფესად მოხდა. ერთმანეთს რამდენიმე დღე ეკონტაქტებოდნენ, შემდეგ ქუთაისში შეხვდნენ ერთმანეთს და შეუღლება პირველივე შეხვედრაზე გადაწყვიტეს.

გოჩასთვის ეს მეორე ქორწინებაა. პირველი ოჯახი დაენგრა და სამი შვილი გყავს. ნონასთვის კი პირველი ქორწინებაა.

„ჩემს ასაკში ქალის მოძებნა ძნელი იყო. „სარკე“ პოპულარული ჟურნალია და ამიტომ გადავწყვიტე თქვენთვის მომემართა.

ნონამ ჩემი განცხადება ნახა, გაიგო, როგორი პიროვნება ვიყავი, დაინტერესდა და დამიკავშირდა.

უსიყვარულოდ სიცოცხლე ნამდვილად არ შემეძლო. ცოლი რომ არ მომეყვანა, ისეთ დღეში ვიყავი, ალბათ დავიღუპებოდი“ - განუცხადა გოჩამ „სარკეს.“

„მეგობართან ვიყავი და მას ჰქონდა ჟურნალი „სარკე.“ პირადად ჩემი ინიციატივით არ მომხდარა გაცნობდა. დაქალმა ჩამაწერინა გოჩას ნომერი. შემდრგ დავინტერესდი, დავურეკე და შევქმენით ოჯახი.

ჩემს თავს ვუთხარი, რომ უკან დასახევი გზა არ იყო. ვიფიქრე, გავრისკავ და გავყვები- მეთქი“ - ამბობს ნონა.