მარადიული ღირებულება, ქალის პატივისცემა, გენდერულ ბალანსზე ძვირფასია

მარადიული ღირებულება, ქალის პატივისცემა, გენდერულ ბალანსზე ძვირფასია - შაქარიშვილი ომბუდსმენს პასუხობს

პოლიტიკა - 13:37, 29 Mar, 2018

1998

თბილისის საკრებულოს ფრაქცია „ქართული ოცნება-დემოკრატიული საქართველოს“ თავმჯდომარის მოადგილე ვახტანგ შაქარიშვილი სახალხო დამცველის განცხადებას პასუხობს:

"მარადიული ღირებულებები, რომელიც კაცის მხრიდან ქალის პატივისცემას გულისხმობს, ჩემთვის ბევრად უფრო ძვირფასია, ვიდრე გენდერული ბალანსი თუ ის ფსევდო თანასწორობის დაზეპირებული „ღირებულებები“, რომლებიც ენჯეოების წიაღში საგრანტო პროგრამებით ისწავლება"- აღნიშნავს საკრებულოს დეპუტატი.

შაქარიშვილის განცხადებითვე, ნიშანდობლივია, რომ სახაომბუდსმენის მიერ მისი მისამართით გამოთქმულ კრიტიკაში აქცენტი იმაზე კი არ არის გაკეთებული, რომ ზოგადად ამგვარი შეურაცხმყოფელი გამონათქვამებია მიუღებელი, არამედ იმაზე, რომ, ამ გამონათქვამში ზოგადად ქალის კონკრეტული მდგომარეობაა დისკრიმინაციულად მოხსენიებული: „პრიორიტეტების ძალიან საინტერესო დალაგებაა,“- აცხადებს დეპუტატი.

„პოლიტიკა იქნება ეს თუ ყოველდღიური ცხოვრება, ჩემთვის საწყისი ყოველვის არის ზნეობა და მორალი. ის, რომ მე ელენე ხოშტარიას, როგორც ქალს ბოდიში მოვუხადე, მიუხედავად იმისა რომ ის არ ყოფილა ჩემი სიტყვების ადრესატი, გამომდინარეობს სწორედ ქალის პატივისცემის ცოცხალი და მარადიული პრინციპისგან და არა თანასწორობისა თუ გენდერული ბალანსის დაცვის ყალბი და უსულო სტანდარტებისგან. ეს იყო ბუნებრივი რეაქცია, რომელიც მე ერთი პროვოკატორი და ხელმოცარული პოლიტიკოსის ქმედებებზე მქონდა”, – განაცხადა ვახტანგ შაქარიშვილმა.

სახალხო დამცველი ვატო შაქარიშვილის სექსისტურ გამონათქვამს კრიტიკულად აფასებს.