„რუსეთი თავში, რომ ჩაგვარტყამს მადლობა უნდა გადავუხადოთ, „ქართული ოცნების“ ამ პოლიტიკამ ჩიხში შეგვიყვანა“

„რუსეთი თავში, რომ ჩაგვარტყამს მადლობა უნდა გადავუხადოთ, „ქართული ოცნების“ ამ პოლიტიკამ ჩიხში შეგვიყვანა“ - დიმიტრი შაშკინი

პოლიტიკა - 12:38, 29 Mar, 2018

1606

სანქციები რუსეთის ფედერაციას - დიდი ბრიტანეთში ქიმიური იარაღის „ნოვიჩოკის“ გამოყენების გამო, რომელიც რუსეთშია შექმნილი და არსებობს მყარი ეჭვი, რომ სწორედ რუსეთმა გამოიყენა იგი დიდ ბრიტანეთში მის მიმართ სანქციების მიზეზი გახდა. მიუხედავად დასავლეთის მტკიცე პოზიციისა და ნეგატიური დამოკიდებულებისა, რომლის შედეგადაც რუსეთს სანქციები დაეკისრა, საქართველოს ხელისუფლებას არანაირი რეაქცია არ აქვს. სანქციებზე საუბარი არ არის, თუმცა არც შეფასებები მოჰყოლია ამ ვითარებას.

საქართველოს თავდაცვის ყოფილი მინისტრი დიმიტრი შაშკინი აღნიშნავს, რომ ეს ყველაფერი „ქართული ოცნების“ ხელისუფლების პოლიტიკის მიზეზია, რომელიც თვლის, რომ „რუსეთზე ცუდი არაფერი უნდა ითქვას“:

„რა თქმა უნდა საქართველოს ხელისუფლება ბოლო 5 წელია ახორციელებს საერთაშორისო პოლიტიკას, რომ რუსეთზე არაფერი არ უნდა ვთქვათ, უნდა ვიყოთ ჩუმად და ის თავში რომ ჩაგვარტყამს, მადლობა უნდა ვუთხრათ. ეს არის „ქართული ოცნების“ პოლიტიკა რუსეთის მიმართ. სწორედ ამ პოლიტიკის გამო, საქართველო აღარ არის მსოფლიო პოლიტიკის რადარებზე, საქართველოზე აღარავინ საუბრობს, საქართველოს დამცველი ქვეყნების რაოდენობა მცირდება და მცირდება. აქედან გამომდინარე ამ პოლიტიკამ შეგვიყვანა ჩიხში და სიტუაცია ახლა ბევრად უარესია, ვიდრე 2008 წლის ომის შემდეგ იყო. ყველაზე დიდი ცოდვა რაც ჩაიდინა „ქართულმა ოცნებამ“ არის ის, რომ ჩვენ ახლა ვართ ცალკე, რუსეთი ცალკე და მთელი დასავლეთი ცალკე და სწორედ ის ებრძვის რუსეთს. ჩვენ ამ ბრძოლაში ჩართულები არ ვართ და ეს არის ჩიხი, ეს არის იმ პოლიტიკის გამეორება, რომელიც ზოგიერთ ვაიპოლიტიკოსს აქვს, რომ საქართველომ უნდა შეიქმნას ნეიტრალიტეტი. ტერიტორიების 20% წართმეული გვაქვს, რა ჩუმად ჯდომაზეა საუბარი“, - აღნიშნა დიმიტრი შაშკინმა.