"მოსახდენი რომ ყოფილიყო აქამდე მოხდებოდა, რუსეთი თავს მხარედ არ დააფიქისირებს" - შარაშენიძე ჟენევის უშედეგო მოლაპარაკებაზე

პოლიტიკა - 11:51, 29 Mar, 2018

1531

ჟენევის მორიგი რაუნდი კვლავ უშედეგოდ დასრულდა. „ნიუპოსტთან“ საუბრისას ექსპერტი თორნიკე შარაშენიძე აღნიშნავს, რომ შეხვედრების უშედეგოდ დასრულების მარტივი მიზეზი არის ის, რომ საქართველოსაც და რუსეთსაც საკუთარი პოზიციები აქვთ და რუსეთი ძალის გამოუყენებლობის საკითხზე შეთანხმებაში თავს მხარედ არასდროს დააფიქსირებს:

„როგორც ყოველთვის, ატყდა ერთი ამბავი, როგორც ყოველი რაუნდის წინ ხდება ხოლმე, რომ რაღაცას დათმობს მთავრობა ჟენევის ფორმატში, არაფერი არ მოხდა მარტივი მიზეზის გამო, ჩვენ გვაქვს ჩვენი პოზიცია, ეს პოზიცია არ იცვლება და ალბათ არც შეიცვლება თუ მართლა კრემლის მიერ დასმული მთავრობა არ მოვიდა, რუსეთს თავისი პოზიცია აქვს და ეს ორი მხარე ერთ პოზიციაზე ვერ თანხმდება. ქართულმა მხარემ გუშინ გაიტანა თავისი პროექტი, რუსულმა მხარემ ჩააგდო. იმედია ჩვენს დელეგაციას არ ჰქონდა ილუზია, რომ რუსეთი ჩვენს პროექტს მიიღებდა, იმედი მაქვს, რომ ჩვენების ქმედება იყო ნაკარნახევი იმითი, რომ აიღეს ხელში რაღაც ინიციატივა და რუსეთი აიძულეს, ჩაეგდო პროექტი, პლუს ამას ტატუნაშვილის საკითხმა ჩვენი პოზიციები გააძლიერა. არაფერი არ მოხდება მარტივი მიზეზის გამო, 10 წელია მიდის ჟენევის ფორმატი, რაღაც მოსახდენი რომ ყოფილიყო, აქამდე მოხდებოდა. რუსეთი არ დააფიქისირებს თავის თავს მხარედ, მორჩა და გათავდა“, - აღნიშნავს თორნიკე შარაშენიძე.