"გაერთიანებულმა ოპოზიციამ ივანიშვილის დამარცხების პრეცედენტი უკვე მეორედ შექმნა"- ნოდარ ინანეიშვილი

პოლიტიკა - 19:16, 27 Mar, 2018

2015

300-წლოვანი ევკალიპტის ხეზე გამოცხადებულ აუქციონზე ოპოზიციის გამარჯვებას ედპ-ს ახალგაზრდული ფრთის ლიდერი ივანიშვილის დამარცხების მორიგ პრეცედენტად აფასებს. ნოდარ ინანეიშვილის თქმით, დღევანდელი აუქციონი იყო იმის დადასტურება, რომ ქართველი ერის ნებას წინ ვერაფერი აღუდგება:

„დღევანდელი აუქციონი იყო ნამდვილი დადასტურება იმისა, რომ ქართველი ერის ნებას წინ ვერაფერი აღუდგება. გაერთიანებულმა ოპოზიციამ ივანიშვილის დამარცხების პრეცედენტი უკვე მეორედ შექმნა, მიუხედავად მისი დიდი ფინანსური რესურსისა. ეს მომავალში ნიშნავს იმას, რომ ოპოზიციური ერთობა ივანიშვილის ყველა შემდგომ ნაბიჯს, რომელიც სახელმწიფო ქონების დაუფლებისკენ იქნება გადადგმული, წინ აღუდგება.“- განაცხადა ნოდარ ინანეიშვილმა.

შეგახსენებთ, 300 წლის ევკალიპტის ხეზე გამოცხადებული აუქციონი ოპოზიციის გამარჯვებით დასრულდა. ოპოზიცია ვარაუდობდა, რომ ხის შეძენით ბიძინა ივანიშვილი იყო დაინტერესებული, სწორედ ამიტომ აუქციონში მონაწილეობა „დმანისის გადარჩენის ფონდმაც“ გადაწყვიტა. ოპოზიციაში აცხადებენ, მათი ქმედება „ხალხი ბიძინა ივანიშვილის წინააღმდეგ“ კამპანიის ნაწილია და მიზნად ისახავს, რომ წინ აღუდგეს ივანიშვილის მიერ მთელი ქვეყნის ქონების და ბუნების მითვისებას.