" ხე დარჩება იქ, სადაც 300 წელი იდგა და ივანიშილი ძვრას ვერ უზამს"- ბაჩუკი ქარდავა მოგებულ აუქციონზე

პოლიტიკა - 18:39, 27 Mar, 2018

6478

27 მეტრიანი ევკალიპტის ხეზე გამოცხადებული აუქციონი ოპოზიციის გამარჯვებით დასრულდა. ოპოზიცია ვარაუდობდა, რომ ხის შეძენით ბიძინა ივანიშვილი იყო დაინტერესებული, სწორედ ამიტომ აუქციონში მონაწილეობა „დმანისის გადარჩენის ფონდმაც“ გადაწყვიტა. ოპოზიციაში აცხადებენ, მათი ქმედება „ხალხი ბიძინა ივანიშვილის წინააღმდეგ“ კამპანიის ნაწილია და მიზნად ისახავს, რომ წინ აღუდგეს ივანიშვილის მიერ მთელი ქვეყნის ქონების და ბუნების მითვისებას. ედპ-ს ლიდერის ბაჩუკი ქარდავას თქმით, მნიშვნელოვანია საზოგადოება იყოს ერთიანი და წინ აღუდგეს ივანიშვილის ქმედებებს.

„ოპოზიციას თავიდანვე ჰქონდა გადაწყვეტილება მიღებული, რომ თუ მოვიგებდით, ეს ხე დარჩებოდა ადგილზე. ეს მეორე აუქციონია, სადაც ივანიშვილი დავამარცხეთ და მოვიპოვეთ გამარჯვება. ხე დარჩება იქ, სადაც 300 წლის განმავლობაში იდგა და ძვრას ვერავინ უზამს. რაც შეეხება თანხების მობილიზებას, ამაში აქტიურად ჩაერთვება ჩვენი აქტივი და საზოგადოების ჩართულობაც ძალიან მნიშვნელოვანი იქნება, მნიშვნელოვანია საზოგადოება იყოს ერთიანი და არ მიცეს ერთ ადამიანის საშუალება იმოქმედოს პრინციპით - მე ვარ და ჩემი ნაბადი. ეს ანგრევს სახელმწიფო ინსტიტუტებს სახოგადოებას და ჩვენი ჩართვის მიზეზი და მიზანია მოვახდინოთ ხალხის ყურადღების ფოკუსირება, რომ ასე არ შეიძლება, თორემ ყოველთვის ვიქნებით იმ პრობლემების წინაშე, რომელიც ქვეყნის წინაშე დგას.“- განაცხადა ბაჩუკი ქარდავამ.